КіруПОЛИЦИЯ ҚЫЗМЕТКЕРЛЕРІ – ОБЛЫСТЫҚ БАЙҚАУ ЖЕҢІМПАЗЫ
Бүгін, 20 тамыз күні облыстық Тілдерді дамыту басқармасының ұйымдастыруымен мемлекеттік және мемлекеттік емес мекемелер арасында «Жақсы сөз – жанның тынысы» атты байқау өтіп, оған Полиция департаментінің қызметкерлерінен құралған «07 аймақ» командасы қатысып, жүзден жүйрік шықты.
Тіл заңнамасы, әдебиет, тарих, салт-дәстүр, эссе жазу, мақал-мәтел тақырыптарын, жалпы сөз өнерін қамтыған осынау байқаудың қорытындысы бойынша полиция қызметкерлері жоғары ұпай жинап, І жүлделі орынға ие болды.
Айта кетелік, осы байқау 2017 жылы бастау алған болса, сол уақыттан бері Полиция департаменті үзбей қатысып, бас жүлде, І орын иегері атанып келеді. Ендеше, сайысқа қатысқан әріптестерімізді құттықтаймыз! Жеңіс құтты болсын!
БҚО ПД баспасөз қызметі
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу