КіруБҚО-ДА 500 СТУДЕНТ ҚҰРЫЛЫС ЖАСАҚТАРЫНДА ЕҢБЕК ЕТІП ЖҮР
Орал қаласында құрылыс қарқынды. Тұрғын үйлер, әлеуметтік нысандар салынуда. Осы жұмыстардың басы-қасында кәсіби құрылысшылармен қатар студент-жастар да еңбек етіп жүр.
Бүгінде «Жасыл ел» студенттік құрылыс жасақтары қатарына облыс бойынша 500 сарбаз алынған болса, 250-і Орал қаласындағы өндірістік-құрылыс компанияларына жұмысқа орналасқан. «Жасыл ел» өңірлік штабының жетекшісі Аслан Тапишевтың айтуынша, сарбаздарға жалақыны жұмысқа тартқан компаниялар төлейді және штабтан 35 394 теңге төлеу қарастырылған.
– Студенттік құрылыс жасақтары қатарында еңбек етуге ниеттілер көп. Сонымен қатар құрылыс компаниялары де жастарды өздеріне ерте жастан тәрбиелеп алуды мақсат тұтады, – дейді Аслан Нұрланұлы.
«СКФ Отделстрой» ЖШС-де жасылелдік 30 өрен жұмысқа кірісіп, әр түрлі бағыттағы құрылыс істерін атқаруда. «Болашақ» ЖШС 30 сарбазды, «Айтемір» ЖШС 30 сарбазды жұмыспен қамтып отыр. Сондай-ақ Жәңгір хан атындағы Батыс Қазақстан аграрлық-техникалық университеті жанынан құрылған студенттік жасақтарда 123 адам еңбек етуге мүмкндік алды. Олар тас төсеніштерді шығару, оларды төсеу жұмыстарымен қоса оқу ғимаратына жөндеу жұмысын жүргізуде. Құрылыс жасағындағы сарбаздардың бірі – Ерасыл Байзақов. Жәңгір хан университетінің Индустриалды-технологиялық институтында оқитын студент құрылыста еңбек ету болашақ мамандығына тәжірибе жинақтауға мүмкіндік берерін айтады.
– Болашақ мамандығым – құрылыс инженері. Биыл бірінші рет «Жасыл ел» жасағында жұмыс істеудемін. Негізінен университеттегі құрылыс-жөндеу жұмыстарымен айналысып жатқандықтан, бұл маған мамандығым бойынша тәжірибе жинақтауға да үлкен көмек. Сонымен қатар жазғы демалыстағы уақытымды тиімді пайдаланып, табыс тауып жүрмін. Жалпы «Жасыл ел» бағдарламасы – жастар үшін үлкен мүмкіндік. Келесі жылы да осы бағдарлама бойынша жұмыс істеу ойымда бар, – дейді сарбаз.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу