КіруЖАРҚЫН БЕЙНЕСІ ЖАДЫМЫЗДА САҚТАЛАДЫ
Орал қаласының тұрғыны, азаматтық ұстанымы жоғары қоғам белсендісі болған Сәбила Жүнісова 73 жастан асқан шағында жарық әлеммен қоштасты. Қоғамдық жиындарда, әсіресе спорттық шаралардың бел ортасынан табылып, үлгі көрсете білген ардақты анамыз осы аптада жер қойнына тапсырылды.
Сәбила Нағиқызы 1948 жылдың маусымында дүниеге келген. Орал қаласындағы кооперативтік техникумды аяқтап, саудада жұмыс істеді, Жәнібек ауданының кооперациясын басқарды.
Зейнеткерлікке шыққаннан кейін кәсіпкерлікпен айналысты, сондай-ақ белсенді өмір салтын жүргізді, 140 ардагерді біріктірген «Жәнібек» бастауыш ардагерлер ұйымын басқарды. Оның басшылығымен жұмыс бекітілген жоспарға және зейнеткерлердің сынескертпелері мен ұсыныстарын есепке алуға сәйкес жүргізілді. Адал және орындаушылық қабілеті жақсы қызметкер болатын.
Қаламыздың қоғамдық өмірінің маңызды бөлігі ардагерлер ұйымдарының қызметі. Олардың азаматтық белсенділігін арттыру, өз уақытында туған өлкенің экономикасы мен мәдениетін дамытуға және нығайтуға елеулі үлес қосқан қазіргі зейнеткерлерге моральдық және материалдық қолдау көрсету болып табылады. Сәбила Нағиқызы осындай жұмысты жауапкершілікпен жүргізе білді. Атқарған әлеуметтік жұмыс оның белсенді азаматтық ұстанымдарының табиғи органикалық көрінісі, оның жеке басын керемет сипаттайтын жоғары адамгершілік қасиеттері болды.
Өз ортасында сыйлы азаматша болған Сәбила Жүнісованың жарқын бейнесі жадымызда сақталады. Сәбила Нағиқызының отбасына, бауырлары мен туған-туыстарына қайғыларына ортақтасып, көңіл айтамыз.
Марқұмның алдынан жарылқасын, иманы өзіне серік, жаны жәннатта болсын!
Облыс, қала әкімдігі, облыстық және қалалық ардагерлер кеңесі
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу