КіруЖАТАҚХАНАДАН ӨРТ ШЫҚТЫ
Оралда бүгін, 18 мамыр күні бірнеше бөлмелік жатақхана үлігісіндегі бір қабатты үйден өрт шығып, жалын көршілес орналасқан ғимараттарға да ұшты. Абырой болғанда тілсіз өрт сөндірушілердің күшімен дер кезінде ауыздықталды. Зардап шеккендер жоқ.
БҚО ТЖД баспасөз қызметінің хабарлауынша, сағат 16-57-де Орал қаласы Қ.Аманжолов көшесі, 16 мекенжайында өрт шыққан. Жалпы ауданы 120 шаршы метрде алты бөлмелі жатақханаға есептелінген бір қабатты үйдің жабыны және шатыры жанды. Сондай-ақ Қ.Аманжолов көшесіндегі 14-үйдің 15 шаршы метр алаңда қосалқы құрылыс өртенген. Бұдан бөлек осы маңдағы Пугачев көшесі, 33-үйде 10 шаршы метр алаңда қосалқы құрылыс жанды.
Өрт сағат 17-35-те № 5 және №8 өртсөндіру бөлімдерінің күшімен оқшауланып, 18.46-да сөндірілді.
Оқиға орнында жеке құрамнан 18 адам және 5 бірлік техника жұмыс жасады.
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу