114 БАТЫСҚАЗАҚСТАНДЫҚ «ЕЛБАСЫ МЕДАЛІМЕН» МАРАПАТТАЛДЫ
Батыс Қазақстан облысы бойынша «Елбасы медалі» жобасының қола медаль иегерлері марапатталды.
Қазақстан Республикасы Тұңғыш Президенті –Елбасы қоры дарынды жастар мен көшбасшыларды қолдау және дамытуға бағытталған «Ел үміті» бастамасы аясында өткізген «Елбасы медалі» жобасына облыс бойынша 14-29 жас аралығындағы балалар мен жастардан барлығы 265 адам қатысқан.
114 қатысушы республикалық комиссияның шешімімен «Елбасы медалі» жобасының қола медалі және төсбелгісі иегері атанды.
Қола медаль 6 ай ішінде 7 бағыт бойынша арнайы тапсырмаларды орындап, өз қабілеттерін шыңдаған жастарға берілді.
Күміс медальға 15 жастан асқандар үмітті. Олардың тапсырмаларды орындау уақыты 12 ай. Алтын медаль алуға 16 жастан асқан жастардың мүмкіндіктері бар және тапсырмалары 18 айға дейін созылады.
zhaikuni.kz
Версия для печати
Пікір үстеу