КіруОРАЛДА «ҰЛТТЫҚ ҚАЗЫНА» СПАРТАКИАДАСЫ ӨТЕДІ
ҚР Тәуелсіздігінің 30 жылдығы аясында және «Амал мерекесіне» орай Орал қаласында ұлттық спорт түрлерінен «Ұлттық қазына» қайырымдылық спартакиадасы өтеді. Оған жоғары және арнаулы оқу орындарының студенттері командалық түрде қатыса алады.
Спартакиада 10 спорт түрі бойынша ұйымдастырылады. Спартакиаданың жүлдесіне облыстық мәслихат депутаты Т.Тлемісов 200 мың теңге демеуші болып отыр.
Ұйымдастырушылардың сөзінше, спартакиадаға қатысудың басты шарты – команда жасақтау. Команданың бір мүшесі тек бір ойын түріне ғана қатыса алады. Команда жарысқа қатысу үшін 20 мың теңге жарна төлеуі тиіс. Жиналған жарна Ақсай қаласының тұрғыны арқадағы бұлшықет атрофиясына шалдыққан Эмира Шахмаровқа @emir_sma_aksay аударылатын болады.
– Біздің басты миссиямыз – Эмир балақайға көмектесу. Жарна 20 мың теңге деп бекітілгенімен, одан да көбірек берсе болады. Сондай-ақ жеңімпаздар ұтқан жүлделерін де Эмирге бере алады, – дейді ұйымдастырушы «Жас Отан» ЖҚ төрағасының орынбасары Ерлік Шамғалиев.
Жарыстар 12, 13, 14-наурыз күндері өтеді.
12 наурызда Асық ату, Бес асық, Тоғызқұмалақ сайыстары өтеді.
Басталу уақыты: сағат – 14.00. «Nur Otan» ғимараты. (Орал қ. Ж.Молдағалиев көшесі, 19).
13 наурызда Аударыспақ, Қазақ күресі, Садақ ату, Теңге ілу ойындары өтеді.
Басталу уақыты: сағат – 10.00. Ұлттық спорт түрлері бойынша балалар-жасөспірімдер спорт мектебі. (Орал қ. Асан ауылы, Рабочая 1а.)
14 наурызда Ләңгі, Қол күресі, Арқан тартыс ойындары өтеді.
Басталу уақыты: сағат – 10.00. «Nur Otan» ғимараты. (Орал қ. Ж.Молдағалиев көшесі, 19).
Байланыс үшін ☎8-777-479-35-90 (Ерлік @jasotan_bqo) телефонына хабарласу қажет.
Версия для печатиСоңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Пікір үстеу