КіруСПОРТ МЕКТЕП-ИНТЕРНАТ-КОЛЛЕДЖДІҢ НӘЗІКЖАНДЫ ҚЫЗМЕТКЕРЛЕРІНЕ ҚҰРМЕТ КӨРСЕТІЛДІ
Бүгін 8 наурыз – Халықаралық әйелдер мерекесі қарсаңында Батыс Қазақстан облысы дене шынықтыру және спорт басқармасының Олимпиада резервінің облыстық мамандандырылған мектеп-интернат-колледжінде «Ана деген тіршіліктің тірегі» атты кеш өтіп, ұжымдағы ұстаз-аналарға, әріптес ару-әйелдерге ерекше құрмет көрсетілді.
Карантин талаптарына сәйкес өткен шағын концерттік бағдарлама мұғалімдер мен әкімшілік-шаруашылық бөлімдері бойынша жеке-жеке аталып өтті.
Мектеп-интернат-колледж директоры Қ.Б.Жанғалиев спорт пен білім, тәрбие беру ісін шебер ұштастырып келе жатқан ұжымдағы ұлағатты ұстаздар мен нәзікжанды қызметкерлерді 8 наурыз – Халықаралық әйелдер мерекесімен құттықтап, отбасыларына бақ-береке, дендеріне саулық, шығармашылықтарына толайым табыс тіледі.
Ұжымдағы әріптес ұстаздар мен тәрбиешілерді, қызметкерлерді құттықтауға БҚО Дене шынықтыру және спорт басқармасы басшысының орынбасары Ж.М.Нығметуллин, Орал қалалық дене шынықтыру және спорт бөлімі атынан Е.Жалмұрзин арнайы келіп, алғыс хаттармен марапаттады.
Мектеп-интернат-колледждің оқушылары дайындаған әсем әндері көрермен ұстаздарға шуақ сыйлап, керемет әсерге бөледі.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу