КіруОРАЛДЫҚ 100-ДЕН АСТАМ ТҰРҒЫН ШАҢҒЫМЕН ЖҮГІРУГЕ ҚАТЫСТЫ
Бүгін Оралда қысқы маусымын шығарып салуға арналған көпшілік шаңғы жүгірісі ұйымдастырылды. Қалалық мәдениет және демалыс саябағында өткен шараға спортты серік еткен 100-ден астам оралдық қатысты. Шара қорытындысында маусымның белсенділері марапатталды. Сондай-ақ бұл көпшілік шаңғымен жүгіру шарасында арқа бұлшық еті атрофиясы диагнозы қойылған Эмир Шахмаровқа көмек жиналды.
Түс ауа бүлдіршіндерден бастап зейнет жасындағы адамдарға дейін аяқтарына шаңғы байлап, бастау сөресіне тізілді. Шаған арнасы бойымен үш шақырымды жүріп өткендер қатарында қала басшысы Абат Шыныбеков те болды.
Қыстың соңғы күні болғанымен, аяздың беті әлі қайта қоймады. Дегенмен, шаңғы спортының әуесқойларына бет қарыған аяз да кедергі болған жоқ. Белгіленген қашықтықты еңсеру үшін шеберліктерін көрсетті.
– Спортсүйер қауым үшін шаңғы ғана емес, басқа да спорт түрлерімен айналысуда ауа райының қолайсыздығы кедергі емес. Бала кезімнен спортты жаныма серік етіп келемін. Әсіресе, анам шаңғымен айналысқанымды құп көретін. Мені осы спортқа әкелген анам. Түрлі жарыстарға шығып та жүрмін, – дейді шара қатысушысы Святослав Грецкеевич.
Көпшілік шараның ортасынан табылған зейнеткер Кәкиден Жұмахметов те бала күнінен шаңғы тебушілердің қатарынан екенін айтты. Жасы 75-ке келген Кәкиден аға күнара шаңғысын аяғына байлап, серуенге шығады екен. Ақсақал қаламызда спортпен айналысуға қолайлы жағдайлардың жасалап жатқанына және әуесқойлардың басын қосатын шаралардың ұйымдастырылып жүргеніне ризашылығын білдірді.
Бұл шара қыс маусымын шығарып салуға арналғанымен, табиғат әлі де шаңғышылар үшін серуен құруға мүмкіндік беріп тұр. Сондықтан оралдықтар шаңғы тебуді әзірге тоқтатпайтыны анық.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Оралда азық-түлік дүкеніне қарақшылық шабуыл жасаған күдікті ұсталды
Жүгіру, пікірталас және еркін форматтағы әңгіме: Қазақстандағы сайлауалды дода қалай өтіп жатыр?
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Пікір үстеу