КіруОРАЛДА «OMEGA SPORTS» СПОРТ КЕШЕНІ АШЫЛДЫ
Бүгін Оралда «Omega sports» спорт кешені ашылды. Мұндағы ФИФА стандартына сай жасанды көгалмен жабылған алаңда қысы-жазы футболдан жаттығу өткізуге мүмкіндік бар. Жаңа кешеннің ашылуына спорт саласы өкілдерімен қатар облыс әкімі Ғали Есқалиев пен қала басшысы Абат Шыныбеков арнайы қатысты.
Х.Есенжанов көшесінің 32Б/2 мекенжайында бой көтерген қос қабатты кешеннің жалпы аумағы 3000 шаршы метр. Жасанды көгалмен жабылған футбол алаңының аумағы 24х48 өлшемді. Балалардың жас ерекшеліктеріне қарай бассейн залдары, сауна, душ кабинеттері, электронды құлыптары бар жеке шкафтар орналасқан киім ауыстыру бөлмелері жабдықталған. Екінші қабатта аэробты зал және тамақтану орны ұйымдастырылған. Алдағы уақытта ересектер үшін жаттығу залы жұмысын бастайды. Кешенде бір уақытта 100 шақты адам жаттығу жасай алады.
Жаңа нысанмен танысқан облыс басшысы Ғали Есқалиев кешендегі бассейн залдарының үлгісінде қаланың басқа аумақтарында бассейн залдарын ұйымдастыруға болатынын атап өтті. Әсіресе қазіргі уақытта бизнестері тұралап тұрған кафе-мейрамхана иелері ғимараттарын осындай мақсатта пайдаланса құба-құп.
– Қандай салада болмасын жетістікке жеткен азаматтарды өсіру, салауатты ұлтты тәрбиелеуде спорттың маңыздылығы өте зор. Өңірімізде кейінгі жылдары жақсы үрдіс пайда болды. Жеке кәсіпкерлер спорт нысандарын салуға көңіл бөлуде. Аталмыш кешеннің құрылтайшылары Дамир мен Данияр да спорт ардагерлерінің тәрбиесін алған азаматтар. Өз азаматтық ұстанымдарымен тұрғындардың саулығы үшін өз бастамаларын жүзеге асыруда. Бұл – игі іс. Ірі қалалардағы кешендерден еш кем емес, шетелдік стандарттарға сай жасалды. Кәсіпкер-жерлестерімізді осындай жобаларды жалғастыруға, дені сау ұрпақты қалыптастыруда үлес қосуға шақырамын. Жақсы бастамаларға мемлекет тарапынан қолдау-көмек көрсетіледі, – деді Ғали Нәжімеденұлы.
Кешеннің құрылтайшылары – Дамир Кәкімов пен Данияр Ғабдуллин. Нысан құрылысы осыдан екі жыл бұрын басталған. Құрылыс жұмыстарына 1 млрд. теңге шамасында қаржы жұмсалған.
– Стандартты өлшем – 20х40 метрлік. Бірақ, балалардың 6х6, 7х7, 8х8 ойыншымен ойнауларына мүмкіндік жасау үшін көгал аумағын мүмкіндігінше үлкен еттік. Одан басқа балаларды жүзуге үйретуге арналған бассейн залдары бар. Екі айлық бүлдіршіндерден бастап 12 жасқа дейінгі балалар жүзуді үйренуге жазыла алады. Сонымен қатар дамуында ерекшелігі бар балалар назарымызда. Әлеуметтік осал топтағы отбасы балалары кешенде тегін жаттығады, – дейді Данияр Ғабдуллин.
Қазір спорттық нысанда «Юниор» балалар футбол мектебінің тәрбиеленушілері жаттығу жүргізуде. Алдағы уақытта «Спартак» Мәскеу Академиясының филиалы ашылады. Данияр Ғабдуллиннің сөзінше, өткен жылы мәскеулік жетекші футбол клуб – «Спартакпен» келісім жасаған. Келісімге сәйкес «Спартактықтар» жылына үш мәрте өңіріміздегі жаттықтырушы-мамандарды оқытады. Сондай-ақ жас футболшылар Мәскеудегі «Спартакқа» жаттығуға жіберілетін болады.
Жаңа кешенде 40 шақты адам жұмыспен қамтылған.
Айта кетейік, кейінгі жылдары өңірде жеке инвестиция есебінен ашылған спорттық нысандар көбеюде. Өткен жылы кәсіпкерлердің бастамасымен облыс орталығында жеті нысан ашылған. Аудандарда да жүзеге асуда. Сондай-ақ жуырда ғана өңірлік инвесторлар кеңесінде балалар футболын дамыту мақсатындағы инвестициялық жоба мақұлданды.
Эльмира НҰҒМАНОВА,
zhaikuni.kz
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу