КіруНҰРЛЫ ЖЕР: БҚО-ДА БИЫЛ 9 КӨППӘТЕРЛІ ТҰРҒЫН ҮЙ ПАЙДАЛАНУҒА БЕРІЛЕДІ
Биыл Батыс Қазақстан облысында «Нұрлы жер» бағдарламасы шеңберінде 9 көппәтерлі тұрғын үй салынады. Бұл туралы бүгін өңірлік комуникациялар қызметі ұйымдастырған брифингте мәлім етілді.
БҚО құрылыс басқармасының басшысы Әлібек Антазиев мәлім еткендей, мемлекеттік «Нұрлы жер» бағдарламасы арқылы қалада салынатын 9 көппәтерлі тұрғын үйде 1126 пәтер болмақ.
– Соның ішінде екі үй жергілікті атқарушы органда кезекте тұрғанда үшін салынауда. Олар Зашаған кентідегі №48 дақта және Ақсай қаласындағы қарашығанақ шағынауданындағы №38-дақта салынуда. 7 көппәтерлі тұрғын үй «Отбасы банк» АҚ салымшылары үшін. Сонымен бірге ауылдық елдімекендерде 66 тұрғын үйдің құрылысы жүргізілуде және 19 үйдің құрылысы басталады. Оның ішінде жергілікті атқарушы органда кезекте тұрғандар үшін 42 үй ұсынылмақ. «Отбасы банк» АҚ салымшылары үшін Тоқпай ауылындағы 40 тұрғын үй салынуда, – деді спикер
Оған қоса осы бағдарлама шеңберінде 32 инженерлік коммуникациялық инфрақұрылым нысанының құрылысын жүргізу көзделген.
Бағдарлама шеңберінде тұрғын үй құрылысына – 16,1 млрд.теңге, оның ішінде үй құрылысына – 11,4 млрд. теңге, инженерлік коммуникациялық инфрақұрылым құрылысына – 4,66 млрд. теңге бөлінді.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу