КіруҚР ЕҢБЕК СІҢІРГЕН ӘРТІСІ Қ.ҚОЖАҚОВТЫҢ ШЫҒАРМАШЫЛЫҚ КОНЦЕРТІ ӨТТІ
31 қазан күні Хадиша Бөкеева атындағы қазақ драма театрында ерекше дауыс иесі, Қазақстан Республикасының еңбек сіңірген артисі, «Құрмет» орденінің иегері Қанатқали Қожақовтың «Жылдар-ай» атты шығармашылық концерті өтті.
Концертте Дәулеткерей атындағы қазақ халық аспаптары оркестрі, оркестрдің көркемдік жетекшісі және бас дирижері, «Құрмет» орденінің иегері Еркін Нұрымбетов, БҚО әкімінің эстрадалық-симфониялық оркестрі дирижері Асхат Хасанов, Орыс халық аспаптары оркестрі дирижері Айгүл Жұмашеваның сүйемелдеуімен әуелетіп ән шырқаған тамаша дауыс иесі Қанатқали Қожақов көрерменнің ыстық ықыласына бөленді.
Шығармашылық кеште «Ерен еңбегі үшін» медалінің иегері Айбар Хайырханов, Халықаралық конкурстардың лауреаты Ақсұлу Жұмалиева, республикалық конкурстардың лауреаты Алтынбек Оразов, Қ.Қожақовтың шәкірті «Вокалдық өнер» мамандығының IV курс студенті Гүлдана Габдуллина да өз өнерлерін көрсетті.
Жиналған өнер сүйер көрерменге Қанатқали Қожақов өзінің «Жылдар-ай», «Домбыра», «Арман-Астана», «Ауылым алтын бесігім», «Калитка», «Коробейники», «Арманым едің», «Жайық қызы», «Наз қоңыр», «Ауылым» т.б көптеген әуезді әндерін ұсынды.
Шара соңында БҚО мәдениет басқармасының басшысы Қадырболат Қабдырұлы Мұсағалиев кеш иесіне алғыс білдіріп, шығармашылығына табыс тілеп, ықылас гүлін табыстады.
Соңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу