КіруОРАЛДА ЖЕКЕ ИНВЕСТИЦИЯ ЕСЕБІНЕН ҮШ ЖАҢА БАЛАБАҚША АШЫЛАДЫ
Биыл Орал қаласында инвестиция есебінен екі мектеп құрылысы басталып, үш жаңа балабақша іске қосылмақ. Бұл туралы бүгін, 16 ақпан күні халықпен онлайн есептік кездесуде қала әкімі Абат Шыныбеков мәлім етті.
Мемлекет қолдауының нәтижесінде балалардың сапалы білім алуына барлық мүмкіндік қарастырылуда. Шаһардағы мектеп құрылыстары орта білім беру жүйесіндегі үш ауысымдық оқу үрдісін шешуге оң ықпал етуде. Жаңа мектеп ғимараттарын салу арқылы былтыр үш ауысымдық мектептердің саны 5-тен 3-ке қысқарды. Бұл бағыттағы жұмыстар биыл да жалғасады.
– «Ет комбинаты» ауданында орналасқан №33 мектеп ғимаратының құрылысын аяқтап, Меловые горки елді мекенінде №18 мектептің жаңа ғимаратын салуды бастаймыз. Сонымен қатар жеке инвестициялар есебінен апатты жағдайдағы №31 мектептің орнына жаңа мектеп және Зашаған кентінде №52 мектептің құрылысы басталмақ. Мектеп жасына дейінгі балаларды балабақшамен қамту үшін алдағы уақытта барлығы жеке инвестициялар есебінен 340 орынға 3 жаңа балабақша іске қосылмақ. Олар Зашаған, Круглоозерный кенттері мен қаланың Солтүстік-Шығыс ауданын қамтитын болады, – деді Абат Абайұлы.
zhaikuni.kz
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу