КіруЖАМАНТАУДЫҢ ТАСЫ МЕН ҚҰМЫ ЖОЛ ҚҰРЫЛЫСЫНА ЖАРАМДЫ
Батыс Қазақстан облысында жол құрылысына енді жергілікті өнімдер пайдаланылатын болды. Бөкей Ордасы ауданындағы Жамантау кенішінен алынған қиыршық тас пен құм-қоспасы зертханалық сараптама нәтижесінде жарамды деп танылды. Жер қойнауын пайдаланушы кәсіпорындар өндіріске кірісіп те кетті.
Геологтар мұнда 3 млн. тоннадан астам қиыршық тас және 600 мың тоннадай құм қоспасы барын айтады. Бұған дейін қиыршық тасты Ақтөбе облысынан тасыған мердігерлер енді материалды жақын жерден алатын болды. Әсіресе, Елбасының тікелей тапсырмасымен қолға алынған Қазталов-Жәнібек-Сайхын бағытындағы жолдың құрылысына жауапты компаниялар үшін тиімді. Олар әзірге кеніштен құм қоспасын ғана алып отыр. Ал қиыршық тас өндірісі бойынша бірқатар құжаттама дайындалуда.
Жаңа кен орнының пайда болуы жергілікті халықты жұмыспен қамтуға да серпін берді. «Қазавтожол» ҰҚ» АҚ БҚОФ директорының міндетін атқарушы Елдар Садықтың айтуынша, келешекте аудан орталығынан дайын өнімдер орнын ашу жоспарда. Сонда құрылыс материалдарын қарапайым тұрғындар да сатып ала алады.
– Республикалық маңызы бар автомобиль жолдарына құм қоспасы алынуда. Ал қиыршық тас Мұғалжар станциясынан алынады. Жамантау кен орнынан алуға осы техникалық қадағалау ұйымы мен авторлық қадағалау ұйымдары қарастырылуда. Қиыршық тасты осы Сайхынға дейін апаруға міндеттеледі,- деді ол.
Айта кетейік, қаңтар айында аталған кен орнында болған облыс әкімі Ғали Есқалиев қиыршық тас пен құмды қиыршықтас қоспаның өңірде өндірудің артықшылығына мән берген болатын. Ғали Нәжімеденұлы атап өткендей, егер бұрын облыстың оңтүстік аймақтарына республикалық маңызы бар жолдарды салу кезінде қиыршық тас пен құмды-қиыршықтасты қоспа Ақтөбе облысынан әкелінген болса, онда кен орны жұмысының арқасында жергілікті өнім қажетті көлемді толық қамтамасыз етеді, ал оның жұмыс орнына жеткізілуімен оның құны арзан болады.
Айнара ИСА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу