КіруҚЫЗМЕТТІК ИТТІҢ КӨМЕГІМЕН ЕСІРТКІ ТАБЫЛДЫ
Ұлттық ұлан сарбаздары «Рэмми» атты қызметтік иттің көмегімен есірткі затын сатумен айналысқан адамды ұстады. Есірткі орамы Оралдағы түзету мекемесінің маңынан табылды. Бұл туралы Ұлттық ұланның «Батыс» өңірлік қолбасшылығының баспасөз қызметі мәлім етті.
Оқиға 6 ақпан күні сағат 20.20 шамасында болған. Құрамында патруль бастығы – қатардағы жауынгер Бақытжан Айтжан, қатардағы патруль Әлмұхамед Қабатаев және кинолог-ефрейтор Құндызбек Қапаев бар 5517 әскери бөлімінің жауынгерлік жасағы Жазира ауданындағы патруль кезінде Широкая көшесіндегі түзету мекемесі жанынан күдікті ер адамды байқайды. Әскерилерді көрген ол белгісіз затты лақтырып жіберген.
Кинолог-ефрейтор Құндызбек Қапаев дер кезінде «Рэмми» атты қызметтік итке сол маңды іздеуді бұйырып, ит есірткі заты бар қағаз орамасын тапты.
– Табылған есірткі орамы мен осы орамның иесі – құқықбұзушы 39 жасар азамат әр қарай тергеу жүргізу үшін полиция қызметкерлеріне тапсырылды. Қызметті өткеру кезіндегі көрсеткен қырағылықтары мен жоғары кәсіби шеберліктері үшін әскери жасақ 5517 әскери бөлімі командирінің атынан көтермеленді, – деп хабарлады «Батыс» өңірлік қолбасшылығының баспасөз қызметкері, подполковник Ерболат Сұлтанов.
Айта кету керек, «Рэмми» Ұлттық ұланда бес жылдан бері қызмет етіп келеді екен. Ұлттық ұланның жауынгерлері «Рэммидің» көмегімен былтыр есірткі сатудың бес фактісін анықтаған.
zhaikuni.kz
Версия для печатиСоңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Пікір үстеу