КіруЖҮК КӨЛІГІ ЖОЛ ЖИЕГІНЕ ТҮСІП КЕТІП, ЖОЛАУШЫ КӨЗ ЖҰМДЫ
Құтқарушылар автокөлік жүргізушілерін көлік рөлін басқару кезінде абай болуды ескертеді. Өйткені кейінгі кездері жолдағы оқыс оқиғалар күн санап артуда. Тіпті қайғылы жағдайлар да тіркеліп отыр.
18 қаңтарда Орал-Атырау автожолында Ақжайық ауданы маңындағы 102 шақырымда «Ивеко» автокөлігінің жүргізушісі 1974 жылы туған азамат көлік рөліне ие бола алмай жол жиегіне түсіп кеткен. Автокөліктегі жолаушы алған жарақатынан трассалық-медициналық-құтқару пункті (ТМҚП) келгенше оқиға орнында қайтыс болды. Трассалық-медициналық-құтқару пункті «Ивеко» автокөлігінің жүргізушісіне медициналық көмек көрсетті.
Сонымен қатар, 19 қаңтар түнгі сағат 3.38-де Ақжайық ауданы Жамбыл ауылдық округіне жақын Бітік ауылының маңындағы жолда «Фольцфваген-Пассат» автокөлігі жол жиегіне түсіп кеткен. Жол-көлік оқиғасы нәтижесінде трассалық-медициналық-құтқару пункті (ТМҚП) күшімен 4 адам, оның ішінде 2 бала құтқарылып, аудандық орталық ауруханаға жеткізілді. Көлік жүргізушісі медициналық көмекті қажет етпеді.
Төтенше жағдай туындағанда 112, 101 телефон нөмірлеріне хабарласу қажет.
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу