КіруОРАЛДА КОМСОМОЛДЫҢ 100 ЖЫЛДЫҒЫНА АРНАЛҒАН ШАРА ӨТТІ
Комсомолдың 100 жылдығына орай М.Мәметованың мемориалдық музейінде «Жалындаған комсомолдық жастық шағым менің» атты шара өтті.
Шараға обком комитетінің иструкторы Набия Сейтқалиева , Орал қаласының обком комитетінің 1 секретарі Клара Саржанова, облыстық ардагерлер кеңесінің төрағасы Мырзағали Мұхамбетов және соғыс ардагері, обком секретары Оқас Әлмұқановтың қызы Кәкима Әлмұқанова, Батыс Қазақсстан инновациялық-технологиялық университетінің «Заңгер» мамандығының ІІ курс студенттері, музей қызметкерлері қатысты. Шара музей қорынан жабдықталған көрмемен бастау алды. Көрмеде баспа машинасы, мақалалар, комсомолдардың фотосуреттері, альбом, кітаптар және тағы басқа құнды жәдігерлер көрермен назарына ұсынылды.
Шара қонақтары Қазақстан комсомолының құрылуы, олардың белсенділіктері туралы әңгімеледі.
Қазақстан комсомолы. Бұл – республикамыздың миллиондаған патриот ұл-қыздары. Оның қатарында жұмысшылар мен колхозшылар, мұғалімдер мен инженерлер, студенттер мен құрылысшылар, ғалымдар мен оқушылар болды. Қазақстан комсомолы еліміздегі туысқандық достықпен қауышқан жүзден астам ұлттар мен халықтардың жас ұрпақ өкілдерінен құрылды.
Партия шақыруымен, жас жүрек әмірімен комсомолецтер әрқашанда ең қиын жерлерге аттанып келді. Оларға Советтер елі жауларының жанталасқан қаскөйлігі де, дұшпан оқтары да, қақаған аяз бен азынаған жел де тосқауыл бола алмады.
Ұлы Отан соғысы басталған уақытта соғыстың алғашқы он күнінде өз еркімен соғысқа екі мыңнан астам комсомелецтер аттанды. Республиканың Лениндік комсомол өкілдері өз өмірлерін аямай патриотизмнің, қаһарман ерліктің, Отан қорғауға әзірліктің үлгісін көрсетті. Кеңес Одағының екі мәрте Батырлары Талғат Бигелдиновтың, Сергей Луганскийдің, Леонид Беданың, Иван Павловтың аттары, аңызға айналған панфиловшылардың, қазақ халқының даңқты қыздары Мәншүк Мәметова, Әлия Молдағұлова, Хиуаз Доспанова ерліктері біздің жүрегімізден мәңгілікке орын алды. Кеңес халқы туған жерді қорғап қалып, фашизмді талқандады. Комсомол ұл қыздары басқыншылары қиратқан қалалар мен селолаапрды, өнеркәсіп орындарын қайта қалпына келтіруге, жаңа заводтар мен фабрикалар тұрғызуға, соғыстан кейінгі бесжылдықтар тапсырмаларын орындауға ат салысты.
Саяси белсенді, істі білетін, еңбекті сүйетін және жұмысқа ұста, өз Отанын қорғауға әрқашан әзір тұратын адамдардың ұранын қалыптастыруға қолғабыс тигізу – міне, комсомолдың жұмысындағы ең маңыздысы, ең басты мақсаты осы болды.
Аяжан Даукенова, М.Мәметова мемориалдық музейінің экскурсоводы
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу