КіруЖЫЛҚЫ ІЗДЕУГЕ ШЫҒЫП, АДАСЫП КЕТКЕН
БҚО ТЖД хабарлағандай, 31 жасар екі азамат елдімекеннен 20 шақырым қашықтықта табылған.
Кеше, 7 қаңтар күні сағат 11.00 шамасында 1989 жылғы екі азамат Сырым ауданы Аралтөбе ауылынан ВАЗ 21031 автокөлігімен жылқыларды іздеуге шыққан. Алайда, автокөліктері бұзылып, олар адасып кеткен.
Сағат 18.33-те БҚО Төтенше жағдайлар департаментіне олардың адасып кеткен туралы хабар түсіп, 4 қызметкер екі техникамен іздеуге шыққан. Іздестіру тобы оларды Аралтөбе ауылының оңтүстік-шығысынан 20 шақырымда далада тауып, Аралтөбе ауылына жеткізілді. Екеуі де медициналық көмекті қажет етпеген, құтқарушыларға өз алғыстарын жеткізді.
Төтеншеліктер синоптиктердің болжамын мұқият тыңдап, бұқаралық ақпарат құралдарындағы арнайы хабарламаларды ескеру қажеттігін еске салады. Егер ауа райының тұрақтылығы мен өз денсаулығына қатысты күмән туындаса, елдімекендерден, ал кейбір жағдайларда үйден кетпеу керек.
БҚО ТЖД үсікке және адам өліміне жол бермеу мақсатында ауа райының өзгеруін, метеорологиялық мәліметтерді үнемі қадағалап отыру және қоршаған табиғатты бақылау қажеттігін айтады. Қауіпті құбылыстар (қатты көктайғақ, аяз, боран немесе бұрқасын) туындау қаупі төнген кезде үй-жайда қалып, елдімекен шегінен шықпау керек. Ауыр және артық салмақтағы киім де жолда кедергі болады. Бейтаныс жерлерге бармау керек, ауа райы нашарлап, жол көрінбей кетіп, әуреге салатынын есте ұстау керек. Төтенше жағдайлар департаментінің қатты аяз, боран, бұрқасын кезінде тұрғындардың әрекеттері туралы хабарламаларына құлақ асу маңызды.
Төтенше жағдай туындаған кезде 101, 112 номеріне хабарласыңыз.
zhaikuni.kz
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу