БҚО-ДА МЕМЛЕКЕТТІК ҚЫЗМЕТКЕРЛЕР ҰЙЫМДАСТЫРҒАН ҚАЙЫРЫМДЫЛЫҚ АКЦИЯСЫНДА 1100-ГЕ ЖУЫҚ ОТБАСЫҒА КӨМЕК КӨРСЕТІЛЕДІ

Бүгін БҚО-да облыстың мемлекеттік қызметшілерінің бастамасымен «Қайырымдылық жасасақ, қайырымды өзіңнен көрсін» атты қайырымдылық акциясы басталды. Акция шеңберінде облыстың аз қамтылған және көп балалы отбасыларына құны 14 миллион теңгеден асатын азық-түлік себеттері беріледі. Акция Оралда және облыстың әр аймағында өтеді.

Елдегі эпидемиологиялық жағдайға байланысты, биылғы жылы Жаңа жылды қарсы алуға арналған корпоративті кештердің орнына облыс мемызметкерлері қайырымдылық акциясын бастау туралы бірлескен шешім қабылдады.

Акцияға тек жергілікті атқарушы органдардың, оның ішінде облыстық, қалалық және аудандық әкімдіктер мен әкімшіліктердің қызметкерлері ғана емес, сонымен қатар аумақтық департаменттердің, инспекциялардың, сондай-ақ құқық қорғау органдарының қызметкерлері қатысуда.