КіруЕлімізде азық-түлік 10, киім-кешек 5 пайызға ҚЫМБАТТАҒАН
Сауда және интеграция министрі қымбатшылыққа жол берген әкімдіктерді сынға алды. Бақыт Сұлтанов әлеуметтік тауарларға шекті баға белгіленсе де, атқамінерлер соның сақталуы бойынша тиісті жұмыс жүргізбейді дейді. Сол үшін коронавирустың екінші толқыны мен Жаңа жыл мерекесін сылтау қылатын пысықайлар бағаны тағы өсіріп жіберуі мүмкін деп қауіптеніп отыр.
Елімізде азық-түлік 10, киім-кешек 5 пайызға қымбаттаған.11 айдағы әлеуметтік-экономикалық көрсеткіш жайлы баяндаған Ұлттық банк төрағасы оған инфляция себеп дейді. Қазір ол 7,3 пайызға жетті.
Ерболат Досаев, ҚР Ұлттық банк төрағасы:-Азық-түлік инфляциясы бағаның ең көп өсуіне үлес қосуда. Азық-түліктің жылдық өсуі нарықтағы жекелеген тамақ өнімдерін оның ішінде өсімдік майы, қант сияқты өнімдердің теңгерімсіздігі күшейгеннен бағасы 10,8 процентке дейін ұлғайды.
Қымбатшылық дендеген қалалардың көшін Нұр-Сұлтан бастап тұр. Мұнда жыл басынан бері жұрт көп тұтынатын әлеуметтік азық-түлік құны 15,6 пайызға, Павлодар облысында 15,4; Ал Атырау облысында 12,9 процентке өскен.
Бағаның көтерілуіне жол бермеу үшін тұрақтандыру қорлары бар. Әрі әлеуметтік 19 тауарға шекті баға белгіленген. Бірақ қалтасының қамын күйттеген сатушыларға бұл кедергі емес. Әкімдіктер оларды тексеріп, мониторинг жүргізбейді дейді Сауда және интеграция министрі. Содан соң баға бетімен кеткен.
Бақыт Сұлтанов, ҚР Сауда және интеграция министрі:-Өткен жылы бағаны тұрақтандыру бойынша шара қолданбаған 7 облыс әкімінің орынбасарына сөгіс жарияланған болатын. Алайда бұл сабақ болып тиісті нәтижесін бермеді деуге болады. Мәселен былтыр Ақтөбе облысында шекті мәннен асып түсудің 5 фактісі тіркелген. Биыл да ол өзгермеген. Әкімдіктер шекті бағаны енгізуді елемейді.
Әкімдіктер елемесе, сатушылар қайтсін?! Бұлай жалғасса, Жаңа жыл мерекесі қарсаңында азық-түлік тағы қымбаттауы мүмкін. Премьер-Министр бұған жол бермеуге тапсырма берді.
Асқар Мамин, ҚР Премьер-Министрі:-Өңірлердің әкімдіктері әлеуметтік маңызы бар тауарлардың бағасы мен тарифтердің бағасын тұрақтандыру бойынша шаралар қабылдасын. Бұл аса маңызды мәселе және әлеуметтік маңызы үлкен.
Шара қабылдамаса жаза бар. Енді әкімдікдер тұрақтандыру қорларының жұмысын ширатып, азық-түлік бағасын бақылауға алуы керек. Ал бағаны негізсіз өсіргендер айыппұл арқалайды.
https://qazaqstan.tv/news/134776/
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу