КіруБҚО-НЫҢ СПОРТ САЛАСЫНДА 57,5 ШТАТТЫҚ БІРЛІК ҚЫСҚАРТЫЛЫП, 28 МЛН. ТЕҢГЕ ҮНЕМДЕЛДІ
Өңірлік коммуникациялар қызметі ұйымдастырған брифингте мемлекет басшысының мемлекет қаражатын үнемдеу жөніндегі тапсырмасын орындаудың бір нұсқасы – спорт саласын оңтайландыру екенін атап өткен БҚО дене шынықтыру және спорт басқармасының басшысы бұл бағытта спорт саласының қызметіне талдау жүргізілгенін жеткізді.
– Спорт саласының қызметіне талдау жасалып, биыл дене шынықтыру мен спорт саласы бойынша 57,5 штаттық бірлік қысқартылды. Қысқартылғандардың 30 пайызы – әкімшілік қызметкерлер болса, қалғандары техникалық қызмет көрсетуші персонал. Нәтижесінде 28 млн. теңгеден астам қаржы үнемделді. Осы үнемделген қаражатты жаттықтырушылардың немесе өзге де қызметкерлердің еңбекақысын өсіруге, спорт ұйымдарының материалдық базасын нығайтуға бағыттау жоспарланып отыр , – деді Қаймен Есенаманұлы.
Сондай-ақ жыл басынан бастап жаттықтырушылардың жалақысы 25 пайызға артқан болатын. Алайда күні бүгінге дейін жергілікті бюджетте қаражат тапшылығына байланысты бапкерлеріміз үстемақысын уақытында ала-алмай келді. Қаймен Есендияровтың сөзінше, желтоқсан айында республикалық бюджеттен трансферт арқылы қаражат бөлініп, қаңтар-желтоқсан айларындағы барлық үстемақылары толық төленбек.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу