КіруҚАРАТӨБЕЛІК ШАРУАЛАР 219,3 МЛН. ТЕҢГЕ КӨЛЕМІНДЕ СУБСИДИЯ АЛДЫ
Батыс Қазақстан облысы Қаратөбе ауданында мал басы көбейіп келеді. 2019 жылмен салыстырғанда мүйізді ірі қара – 23,9 пайызға, асыл тұқымды жылқы – 61,8 пайызға, асыл тұқымды қой малы – 3,8 пайызға көбейген.Бұл туралы бүгін өңірлік коммуникациялар қызметі ұйымдастырған брифингте аудан әкімі Жанат Асантаев мәлім етті.
2020 жылдың 1 қазанына аудандағы мүйізді ірі қара – 37181 басты, қой мен ешкі 84954 басты, жылқы – 10619 басты, түйе – 11 басты құрады. Биыл 3275 тонна ет, 8016 тонна сүт, 1,393 млн. дана жұмыртқа өндірілген. Ауыл шаруашылығының жалпы өнімінің көлемі 6 119,4 млн. теңгені құрап, өткен кезеңмен салыстырғанда 17,7 % артты.
– Ауданда асыл тұқымды мүйізді ірі қара мал өсіріп отырған 19 шаруашылық, асыл тұқымды жылқы өсірумен айналысатын 2 шаруашылық және асыл тұқымды қой малын өсірумен айналысатын 2 шаруашылық бар. Асыл тұқымды мал басы 2019 жылмен салыстырғанда мүйізді ірі қара -123,9 пайызды, асыл тұқымды жылқы -161,8 пайызды, асыл тұқымды қой малы -103,8 пайызды құрады, – деді Жанат Асылханұлы.
Ауданда уыл шаруашылығы саласының материалдық-техникалық базасы жаңартылып келеді. Ағымдағы жылы машина-тракторлық парктерді жаңарту мақсатында 26 трактор және 32 пішен-пресі, 12 шөп шабатын машина, 7 шөп тырмасы, 8 шөп тиегіш сатып алынған. Аудан әкіінің сөзінше, кейінгі бес жылда техникалық парк мемлекет тарапынан көрсетілген қолдаудың арқасында 25 пайызға жаңарды.
– 2020 жылы аудан шаруашылықтары өз ісін жандандыруға 477,9 млн.тг инвестиция салса, мемлекет тарапынан 219,3 млн.тг, оның ішінде мал шаруашылығына 126,7 млн.тг және инвестициялық салымдардың шығындарын өтеуге 92,6 млн.тг субсидия төленді, – деді аудан басшысы.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу