КіруКЕШІРІМ ЖОҚ
10 жастағы Бақтияр Болатты қағып өлтірген 20 жасар әйел қамауға алынды. Оның үстінен сотқа дейінгі тергеу амалдары басталған. Марқұм болған баланың тума-туыстары кінәлі тұлғаның заң аясында жазасын алуын және оған титімдей де кешірімнің болмайтынын мәлімдеді.
10 жасар Бақтияр Болатты кеше, 17 қараша күні таңертеңгілік уақытта Оқушылар сарайына барар жолдағы жолдан өту жолағында көлік қақты. Өкінішке орай, ауруханаға жеткізілгенімен, ақ халаттылар бүлдіршіннің өмірін сақтап қала алмады. 10 жасқа қазанның 26-шы жұлдызында толғанын айтқан оның тумалары кеше Бақтиярды қаққан 20 жасар келіншектің тумалары келіп кешірім сұрағанын айтты. Он – ақ жыл өмір сүрген жас ғұмырдың осылай қиылғанына сене алмайтындарын айтқан қара жамылған отбасы «кінәліге кешірім жоқ» дейді.
Марқұм Бақтияр №42 «Ақ ниет» гимназиясының 4 сыныбында оқыған. Мектеп директоры Ерік Жылқыбаев оның көп балалы отбасынан шыққанын және гимназияда үйдің өзге де балаларының білім алып жатқанын тілге тиек етті. Ата-анасы туралы да жағымды пікір қалдырған ол отбасына қайғыра көңіл айтып, бақилық болған балғын «өмірге құштар, қағылез бала болды» деп еске алды.
Осы орайда тәртіп сақшылары көлік тізгіндеушілерге сақтық шараларын ұмытпауға шақырады. Ақтық сапарға Бақтияр ертең шығарып салынады дейді ағайындары.
Айнара ИСА,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу