КіруСАНИТАРЛЫҚ ТАЛАПТЫҢ БҰЗЫЛУЫН ТІРКЕМЕГЕН МОНИТОРИНГ ТОП МҮШЕЛЕРІ ҚЫЗМЕТІНЕН АЙЫРЫЛАДЫ
17 қараша күні облыс әкімі Ғали Есқалиевтің төрағалығымен коронавирусқа қарсы облыстық жеделштабтың отырысы өтті. Мемлекеттік органдардың басшылары мен БАҚ өкілдері қатысқан кезекті онлайн басқосуда өңірдегі эпидемиологиялық ахуал, мониторингтік топтардың жұмысы күн тәртібіне қойылды.
Індеттің таралуының басты себептерінің бірі – көпшілік жиындар. Облыс аумағында санитарлық талаптардың сақталуын қадағалаушы мониторгтік топ жүргізген жұмыстар негізінде кәсіпкерлер ахуалды түсініп, шараларды ұйымдастыруды азайтты. Десек те мониторинг топтың назарына іліккен бұзушылықтар кездесуде. Облыс әкімінің орынбасары Айдар Нұрәлиевтің мәліметінше, өткен аптада 242 рейд жүргізіліп, 2594 нысанды қамтыған. Олардың ішінде 19 нысанның санитарлық талапты бұзғаны анықталған.
– Мәселен, 14 қараша күні «Орал Арзан» дүкені, «Айзат» сауда үйі, «Аяжан» базары, «Айбат» мейрамханасы, «Ритм» кафесі, 15 қарашада Некрасов көшесіндегі жалға алынған коттеджде санитарлық талаптың бұзылуы анықталып, тіркелді. Материалдары тиісті шара қабылдау үшін Орал қаласы тауарлар мен көрсетілетін қызметтер сапасы мен қауіпсіздігін қадағалау басқармасына жолданды. Қазір енгізілген санитарлық талаптардың бұзылуын анықтау мақсатында коттедждер тексерілуде. Жылжымайтын мүлікті жалға беру сайттары арқылы көпшілік шаралар өткізілуі мүмкін коттедждер анықталды. Сонымен қатар қоғамдық көліктерде санитарлық талаптардың сақталуы бойынша мониторинг жасалуда. Қазір осы бағытта тұрғындарға түсінік жұмыстары жүргізілуде, – деген Айдар Аллабергенұлы санитарлық талаптарды бірнеше рет қасақана бұзған нысандардың қызметін тоқтату мәселесі қолға алынғанын мәлім етті.
Десе де, мониторингтік топтар санитарлық талаптардың сақталуын қадағалау барысында алалауға жол беретін көрінеді. Бұл жағдайды қатаң сынға алған облыс басшысы Ғали Нәжімеденұлы бұзушылықты тіркемеген мониторингтік топтың құрамындағы қызметкерлерді жұмысынан шығару туралы мәселе қозғалатынын ескертті.
– Заң бәріне ортақ. Мониторинг топтардың шараларды толықтай тіркемейтіні және айыппұл салмайтыны туралы ақпарат түсті. Егер бұл дерек расталса, мониторинг топ мүшелерінің мәселесі тиісті мемлекеттік мекеме басшылығы алдында қаралатын болады. Енгізілген талаптарды бұзғандар жауапкершіліктен қашу үшін таныстықтарын пайдаланады екен. Бір заңбұзушыны жауапқа тартып, екіншісіне кешірім беру дұрыс емес, – деді облыс әкімі Ғали Есқалиев.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу