КіруӘСКЕРИ ҚЫЗМЕТКЕР КӨПІРДЕН СЕКІРГЕН ӘЙЕЛДІ ҚҰТҚАРДЫ
ҚР Ұлттық ұланы «Батыс» өңірлік қолбасшылығы 5517 әскери бөлімінің қызметкері өзіне қол жұмсамақ оймен көпірден суға секірген әйелді құтқарды. Оқиға бүгін, 26 қазан күні сағат 11.30 шамасында болған.
«Батыс» өңірлік қолбасшылығының баспасөз қызметкері Ерболат Сұлтаовтың мәліметінше, аға сержант Асқар Нұрғалиев кезекті кезекшілік ауысымынан үйіне қайтар жолда көпірден Шаған өзеніне секірген әйел адамды байқаған. Дереу көлігін тоқтатып, көмек шақырып, өзі әйелді құтқармақ мақсатта өзенге секірген. Ұлан әскерінің жедел әрі оңтайлы жасаған әрекетінің нәтижесінде әйел жағаға шығарылды. Осы кезде жағалауға жәдел жәрдем мен полиция қызметкері де жеткен.
Әйел адам 32 жаста. Ол жедел жәрдеммен ауруханаға жеткізілген. Өмірі мен денсаулығына қауіп жоқ.
Асқардың өзі бұл әрекетін ерлік санамайды. Айтуынша, оның орнында болған кез келген адам осындай әрекет жасары анық. «Адамға көмектесу – абыройлы іс» деп санайтын Асқар Нұрғалиев Бөкей ордасы ауданы Бисен ауылының тумасы екен. 2015 жылдан бері Ұлттық ұлан сапында әскери қызметте. Баспасөз қызметі хабарлағандай, адам өмірін құтқаруда көрсеткен батылдығы мен кәсібилігі үшін аға сержант Асқар Нұрғалиев ҚР Ұлттық ұланы Батыс өңірлік қолбасшысының көтермелеуіне ұсынылған.
Елмұра АСХАТҚЫЗЫ,
zhaikuni.kz
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу