КіруОРАЛ ҚАЛАСЫНДА ШЕКТЕУ ШАРАЛАРЫ ЕНГІЗІЛДІ
Орал қаласының Бас мемлекеттік санитарлық дәрігері М.Р. Танауовтың 22 қазан 2020 жылғы №83 қаулысымен Орал қаласы аумағында бірнеше шектеу шаралары енгізілді. Қаулы мәтіні төмендегідей:
«Қазақстан Республикасының 2020 жылғы 7 шілдедегі №360-VI «Халық денсаулығы және денсаулық сақтау жүйесі туралы» Кодексінің 38, 104-баптарын басшылыққа ала отырып, Орал қаласының тұрғындары арасында коронавирустық инфекцияның(CIVID-19) таралуының алдын алу мақсатында, сондай-ақ қалыптасқан эпидемиологиялық жағдайды ескере отырып,
ҚАУЛЫ ЕТЕМІН:
1. Орал қаласының аумағында келесі шектеу шараларын енгізу:
1.1. 65 жастан асқан адамдардың аса қажеттіліксіз көшеге шығуын шектеу;
1.2. Демалыс күндері ауыл шаруашылық, азық-түлік жәрмеңкелерін өткізуге тыйым салынсын;
1.3. Демалыс күндері қоғамдық көліктің жұмысы тоқтатылсын.
2. Орал қаласының әкіміне және Орал қаласының полиция басқармасына:
2.1. Мекен-жайлары бойынша жабайы сауда орындарын жою:
– Досмұхамедов к-сі, «Мирлан» базарының ауданы;
– Әбілқайыр хан даңғылы, 155, «Жайық дүкеннің» ауданы;
– Н. Назарбаев даңғылы, «Юбилейная» аялдамасының ауданы;
– Құрманғазы к-сі, «Школьник сауда үйінің» ауданы;
– Абай даңғылы 90/2в, бұрынғы “Султан” базары
– 6 шағын аудан, «Жеңіс сауда үйіне» қарама-қарсы.
– Әбілқайыр хан даңғылы, 155, «Аяжан сауда үйіннің» ауданы;
– Құрманғазы көшесі Ақжол базараның ауданы
– Гагарина көшесі “Өнім” базарының ауданы
3. Осы қаулының орындалуын бақылау басқарма басшысының орынбасыры Р.К Хасеноваға жүктелсін.
4. Осы қаулы қол қойылған сәттен бастап заңды күшіне енеді.
Орал қаласының Бас мемлекеттік санитарлық дәрігері М.Р. Танауов»
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу