КіруБҚО-ДА «ӘУЕЗДІ АЗАНШЫ» САЙЫСЫ ӨТТІ
Орал орталық мешітінде «Әуезді Азаншы» атты облыстық азаншылар жарысы ұйымдастырылды. Аталмыш сайысқа 12 азаншы қатысты. Бұл туралы ҚМДБ-ның БҚО бойынша баспасөз қызметі хабарлады.
Жарыс екі кезеңнен тұрды. Қазылар алқасында ҚМДБ-ның БҚО бойынша Бас имамы Мұратбек Қыстаубаев, наиб имамдар Самат Алибаев пен Ерденбек Ихсанов төралық етті. Қазылар алқасы алғашында азаншының тәджуиді мен мақамына мән берсе, келесі кезеңінде азан тақырыбы аясында сұрақтар қойылды.
Жарыс қорытындысында облыстық орталық мешітінің азаншысы Асхат Асылбеков бірінші орынды жеңіп алды. Екінші орын Орал орталық мешіншінің наиб имам Мейрамбек Әбдрахманов иемденсе, үшінші орын Түлбаев Мұхамед-Ғариф атындағы Орал қалалық мешітінің наиб имамы Саят Қанатқалиға бұйырды.
Барлық қатысушыларға мадақтама дипломы табыс етіліп, бірінші орын алған Асхат Асылбекұлына Маңғыстау облысында өтетін республикалық «Әуезді Азаншы» сайысына жолдама берілді.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу