КіруОРАЛДА ТҮЗЕТЕ-ОҢАЛТУ ОРТАЛЫҒЫ ЖҰМЫС ЖАСАУДА
«Даму» кәсіпкерлікті қолдау қоры жыл басынан бері бизнесті жеңілдікпен несиелеу мемлекеттік бағдарламасы аясында облысымыздағы кәсіпорындарға жалпы сомасы 9,6 млрд. теңге несиенің пайыздық мөлшерлемесін субсидиялау бойынша қаржылық қолдау көрсетті. Жалпы 1,3 млрд. теңге болатын 117 жобаға қор кепілдемесі берілген. Бүгін, 22 қыркүйек күні «Даму» кәсіпкерлікті қолдау қорының БҚО филилалы өз ісін дамытуда мемлекеттік қолдауға ие болған кәсіпкерлік нысандарына баспасөз турын ұйымдастырды.
«Даму» қорының демеуімен жұмысын бастаған «Шаңырақ» орталығы даун синдромы, аутизм, церебралды салдану, жүйке зақымдануы, тұтығу диагнозы қойылған балаларға түзете-оңалту қызметін ұсынады. Орталық басшысы Гүлнұр Төлегеннің сөзінше, жоспарлаған жобасын жүзеге асыру мақсатында «2017-2021 жылдарға арналған нәтижелі жұмыспен қамту және жаппай кәсіпкерлікті дамыту «Еңбек» бағдарламасы» аясында «Сбербанк» АҚ-нан алты пайыздық жылдық мөлшерлемемен 16,4 млн. теңге несие алған. Осы ретте «Даму» қоры 60 пайыз мөлшердегі кепілдігін ұсынған. Соның нәтижесінде емдік-дене шынықтыру, массаждау, БИО-акустикалық түзету, сенсорлық, оқу залын жабдықтаған.
– Орталығымызда невролог, реабилитолог, нейропсихолог, дефектолог, логопед, ЕДШ инструкторы, массажист пен коррекциялық педагог және бастауыш сынып мұғалімдері жұмыс істейді. 0-ден 18 жасқа дейінгі балаларды қабылдаймыз. Нәтиже бар. Мәселен, балалар аутизмі диагнозымен өткен жылдың қазанынан бастап біздегі оңалту шараларынан өткен бала сөйлейтін, әріптер мен сандарды танитын, жаза алатын деңгейге жетті. Осылайша, биыл ПМПК оған жалпы орта білім беретін мектепке жолдама берген. Сол секілді инсульттан кейінгі оңалтудың да нәтижесі 1-2 айдың ішінде байқалды, – дейді Гүлнұр Меңдіханқызы.
Сондай-ақ «Даму» қоры арқылы қолдауға ие болған «Талап» АҚ медициналық орталықтар желісі орталықтардың бірінде магниттік-резонанстық томография кабинетін ашса, «Орал трансформатор зауыты» ЖШС өндіріс көлемін ұлғайтып, панельдік радиаторлар өндірісіне арналған екінші зауытты іске қоспақ.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу