КіруПАНЕЛЬДІК РАДИАТОРЛАР ЗАУЫТЫ ІСКЕ ҚОСЫЛАДЫ
«Даму» кәсіпкерлікті қолдау қоры жыл басынан бері бизнесті жеңілдікпен несиелеу мемлекеттік бағдарламасы аясында облысымыздағы кәсіпорындарға жалпы сомасы 9,6 млрд. теңге несиенің пайыздық мөлшерлемесін субсидиялау бойынша қаржылық қолдау көрсетті. Жалпы 1,3 млрд. теңге болатын 117 жобаға қор кепілдемесі берілген. Бүгін, 22 қыркүйек күні «Даму» кәсіпкерлікті қолдау қорының БҚО филилалы өз ісін дамытуда мемлекеттік қолдауға ие болған кәсіпкерлік нысандарына баспасөз турын ұйымдастырды.
«Дамудың» демеуіне ие болғандардың бірі – «Орал трансформатор зауыты» ЖШС. Зауыт экспорттық әлеуетті арттыру үшін «Басым жобаларды несиелеу механизмі» бағдарламасының шеңберінде екінші деңгейлі банк арқылы жылдық 15 пайыз мөлшерлемесімен 1,9 млрд. теңге несие алған, оның тоғыз пайызын «Даму» қоры субсидиялайды.
– Қаражат өндіріс көлемін ұлғайтуға және панельдік радиаторлар өндірісіне арналған екінші зауытты іске қосуға жұмсалды. Жаңа зауыттың құрылғылары Италия мен Испаниядан жеткізілді. Бұл зауыт мамыр айында жұмысын бастауы тиіс болған. Алайда, пандемияға байланысты құрылғыларды іске қосатын шетелдік сарапшылар елімізге келе алмай, уақыт созып алдық, – деген зауыттың сату бөлімінің менеджері Нұрберген Кәрімов кәсіпорынның өндіріс айналымын кеңейтуде мемлекеттік қолдаудың мол екенін жеткізді.
Жаңа зауыт іске қосылысымен 150 жаңа жұмыс орны ашылмақ. Сондай-ақ зауыттың аумағы әлі де игеріліп, болашақта трансформаторларды жөндеу және құрғақ құйма трансформатор зауыты салынбақ. Кәсіпорын өкілі жұмысшылар үшін бар жағдай жасалатынын айтты. Мәселен, қазіргі уақытта аумақта зауыт жұмысшылары үшін жатақхана салынуда.
Сондай-ақ «Даму» қоры арқылы қолдауға ие болған «Талап» АҚ медициналық орталықтар желісі орталықтардың бірінде магниттік-резонанстық томография кабинетін ашса, мүмкіндігі шеутеулі балаларға арналған «Шаңырақ» түзете-оңалту орталығы жұмысын бастады.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу