КіруБҚО-ДА 248 МЕКТЕП ШТАТТЫҚ РЕЖИМДЕ ЖҰМЫС ЖАСАУДА
Өңірлік коммуникациялар қызметі ұйымдастырған брифингте БҚО білім басқармасының басшысы Айгүл Мыңбаева жаңа оқу жылының қалай өтіп жатқаны туралы баяндады.
Биылғы оқу жылында еліміздегі карантиндік жағдайға байланысты мектептердің оқыту форматтарына өзгерістер енгізілді. Облыс бойынша 111 282 оқушы контингенті бар 380 мемлекеттік білім беру ұйымдары жұмысын бастады. Айгүл Әділгерейқызының мәліметінше, штаттық режимде 248 мектеп жұмыс жасайды, онда жалпы оқушылардың 24 229-ы, яғни 21,7 пайызы қамтылған. 132 мектепте оқыту қашықтан ұйымдастырылып, оқушылардың 48,7 пайызы (54 303 оқушы) қамтылды. Ата – аналардың немесе балалардың заңды өкілдерінің өтініші бойынша сыныптарда 15 адамға дейін балалар саны бар кезекші сыныптар жұмыс жасауға рұқсат етілген болатын. Қазіргі уақытта облыста бастауыш сынып оқушыларынан 32 750 оқушы, яғни 67,8 пайызы, мектепалды даярлық сыныптардан 4 286 оқушы, яғни 53,3 пайызы кезекші сыныптарға қабылданған.
Барлық штаттық режимдегі және кезекші сыныптары бар мектептердің қызметі санитарлық-эпидемиологиялық талаптарды қатаң сақтай отырып ұйымдастырылуда.
zhaikuni.kz
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу