КіруОРАЛ ҚАЛАСЫ СӘУЛЕТ ЖӘНЕ ҚАЛА ҚҰРЫЛЫСЫ БӨЛІМІНІҢ БАСШЫСЫ ТАҒАЙЫНДАЛДЫ
ҚР Президентінің «Ұлт жоспары – 100 нақты қадам» нақты бағдарламасында көрсетілген меритократия қағидасын жүзеге асыру аясында және конкурстық комиссияның шешімі бойынша Орал қаласы Сәулет және қала құрылысы бөлімінің басшысы лауазымына Бердіғалиев Мирхан Темирханұлы тағайындалды. Бұл туралы қала әкімдігінің баспасөз қызметі хабарлады.
Бердіғалиев Мирхан Темирханұлы 1987 жылы Батыс Қазақстан облысы, Орал қаласында дүниеге келген. Білімі – жоғары. Жәңгір хан атындағы Батыс Қазақстан аграрлық-техникалық университетін құрылыс мамандығы және Қазақстан инновациялық және телекоммуникалық жүйелер университетін құқықтану мамандығы бойынша тәмамдаған.
Әр жылдары:
– Орал қаласы Жер қатынастары бөлімінің мұрағатшысы;
– Орал қаласы Жер қатынастары бөлімінің іс-қағаздарын жүргізуші;
– Орал қаласы Сәулет және қала құрылысы бөлімінің бас маманы;
– Орал қаласы Сәулет және қала құрылысы бөлімі қала құрылысы құжаттамасы бойынша секторының бас маманы болып қызмет атқарды.
2019 жылдан бастап осы кезге дейін Орал қаласының Сәулет және қала құрылысы бөлімі басшысының орынбасары қызметін атқарды.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу