Кіру02 Қыркүйек 2020 922 0
ҚоғамАСАРЛАТЫП МЕКТЕП САЛДЫ
Қазталов ауданындағы Талдыапан ауылдық округінің Қособа елдімекенінде ауылдықтардың асарымен салынған бастауыш мектеп ашылды. Бұл туралы Қазталов аудандық «Рухани жаңғыру» кеңсесі хабарлады.
1 қыркүйек күні есігін айқара ашқан білім ұясы ҚР-ның Тұңғыш Президенті Н.Ә.Назарбаевтың «Болашаққа бағдар: руxани жаңғыру» бағдарламасының «Туған жер» арнайы жобасы аясында жүзеге асып отыр. Ғимарат құрылысы үшін Қособа елді-мекеннің тұрғындары өздері бастама көтеріп, асар әдісімен 10 миллион теңге қаражатқа салып берген. 30 орындық заманауи үлгідегі бастауыш мектеп қажетті құрал-жабдықтармен толық қамтылған.
Елдімекен оқушылары осы уақытқа дейін Талдыапан ауылына қатынап оқыған. Бұл бастауыш сыныптың балаларына қиындық туғызып келгені рас. Енді төменгі буын оқушылары ауылдықтар салған білім ұясында білім нәрімен сусындайтын болады.
Елдімекеннің тұрғындары мектептің келешегіне сеніммен қарайды. Себебі жылдан-жылға қособалықтар қатары еселеніп келеді.
Соңғы жаңалықтар
Қалалықтар қаперіне
Құқық бұзушылыққа жол бермейтін Telegram чат боты іске қосылды
11 Қазан 2024
3647 0
Пікір үстеу