КіруБҚО-ДА АУДАНДАРҒА ӨРТ СӨНДІРУ АВТОЦИСТЕРНАЛАРЫ БЕРІЛДІ
БҚО ТЖД Өрт сөндіру және авариялық құтқару жұмыстары қызметі хбарлағандай, орман және дала өрттерін сөндіруге арналған өрт сөндіру автоцистерналары Қазталов, Жәнібек, Ақжайық аудандарындағы әкімдіктердің балансына тапсырылған.
Мемлекеттік заңды тұлғаларға бекітіліп берілген мемлекеттік мүлікті мемлекеттік меншіктің бір түрінен екіншісіне беру қағидаларына сәйкес, БҚО әкімінің қолдаухаты және ҚР ІІМ ТЖК келісімі негізінде, «Қазақстан Республикасы Ішкі істер министрлігі Төтенше жағдайлар комитеті Батыс Қазақстан облысы Төтенше жағдайлар департаментінің Өрт сөндіру және авариялық-құтқару жұмыстары қызметі (Орал қаласы)» мемлекеттік мекемесінен орман және дала өрттерін сөндіруге арналған өрт сөндіру автоцистерналары БҚО аудандық әкімдіктерінің теңгеріміне тапсырылған.
Атап айтқанда, Ақжайық ауданы Базаршолан ауылдық округі әкімінің теңгеріміне 1978 жылы шыққан АЦ-40 (Зил-131) өрт сөндіру автокөлігі, Жәнібек ауданы Ақоба ауылдық округі әкімінің теңгеріміне 1986 жылы шыққан АЦ-40 (Зил-131а) өрт сөндіру автокөлігі, Қазталов ауданы әкімдігінің шаруашылық жүргізу құқығындағы Казталов мемлекеттік коммуналдық кәсіпорнының теңгеріміне 1989 жылы шыққан АЦ-40 (Зил-431412) өрт сөндіру автокөлігі берілді.
zhaikuni.kz
Версия для печати
Соңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу