КіруОРАЛДАҒЫ ҮШ МЕКТЕП «ЖҰМЫСПЕН ҚАМТУДЫҢ ЖОЛ КАРТАСЫ» АРҚЫЛЫ ЖАҢАРУДА
Оралдағы №45 орта мектеп «Жұмыспен қамтудың жол картасы – 2020» бағдарламасы арқылы күрделі жөндеуден өтуде.
№45 орта мектептің ғимараты өткен ғасырдың 40 жылдары салынған. Соғыс жылдары бұл ғимаратта әскери госпиталь болса, кейін темір жол мектебі болған. 2003 жылдан бастап нысан қалалық білім бөліміне беріліп, №45 мектеп жұмысын бастады. Білім ұясының директоры Ләззат Сағынғалиеваның мәліметінше, салынғалы бері ғимаратқа күрделі жөндеу жасалмаған. Нысанның жобалық қуаты 500 орындық, бүгінгі күні 655 оқушы екі ауысыммен білім алуда.
– Мектебіміздің күрделі жөндеуден өтуін ұзақ күттік. Шатырдан су ағатын, салқын, жүйелер тозған. Кезекті жүргізіліп жүрген ағымдағы жөндеу жұмыстары ғимараттың техникалық жағдайын жақсартуға оң әсерін берген жоқ. Мектебіміздің жаңартудан өтіп жатқанынан ұжыммен қатар ата-аналар, білім алушылар шексіз қуанышты. Бәріміз жарқыраған мектебімізге келетін күнді асыға күтудеміз, – деді Ләззат Тарасқызы.
Күрделі жөндеу жұмыстарын «БатысСтройИнвест» ЖШС жүргізуде. Жоба бойынша 4,5 айда аяқталуы тиіс. Учаске басшысы Валерий Дисенов мамырдың 10 жұлдызынан демонтаждау басталғанын жеткізді. Қазіргі уақытта шатырды жаңарту, ішкі және сыртқы сылау, терезелерді орнату жұмыстары жүргізілуде. Тозған еден толықтай алынып тасталған. Құрылыс басында 96 жұмысшы бар. Оған қоса «Студенттік құрылыс жасағының» сарбаздары да көмек қолын созуда.
2450 шаршы метрлік екі қабатты мектептің күрделі жөндеу жұмыстарына бағарлама аясында 500 млн. теңге бөлінген.
Айта кетейік бұған қоса, Орал шаһарындағы №21, 25 мектептер аталған бағдарлама арқылы күрделі жөндеуден өтуде.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу