КіруОРАЛДЫҚ КӘСІПКЕР 2312 ТЕҢГЕНІҢ ДӘРІСІН 5000 ТЕҢГЕГЕ САТҚАН
Мемлекет басшысының тапсырмасына сәйкес Батыс Қазақстан облысының прокуратурасы құқық қорғау және мемлекеттік органдармен бірлесіп дәрі-дәрмекпен алыпсатарлықты анықтау және кінәлілерді жауапкершілікке тарту бойынша жұмыс жүргізуде.
Прокуратура, Экономикалық тергеу департаменті, полиция департаменті қызметкерлерінің мобильді тобы дәрі-дәрмектерді жоғары бағамен сатудың жеті фактісін және дәрі-дәрмектерді рұқсат құжаттарынсыз сатудың 3 фактісін анықтады.
Мәселен, 8 шілде күні экономикалық тергеу департаментінің қызметкерлері жедел іс-шаралар барысында «Арбидол» препаратының бір орамын 5 000 теңгеден сату фактісін анықтады. Денсаулық сақтау министрлігінің 2019 жылғы 15 шілдедегі бұйрығында көрсетілгендей препаратқа 2 312 теңге мөлшерінде шекті баға белгіленген. Осылайша, жосықсыз кәсіпкер Орал қаласы аумағында дәрі-дәрмектерді 100% артық бағамен сатқан.
Дәріхана иесіне қатысты материал ӘҚБтК 426-бабының 1-бөлігі бойынша әкімшілік жауапкершілікке тарту үшін тауарлар мен қызметтер қауіпсіздігінің сапасын бақылау департаментіне берілді (дәрілік заттарға белгіленген шекті бағаның артуы).
«У» есімді азамат «Цеф-3» антибиотиктерін рұқсат құжатсыз қайта сатуды жүзеге асырып, заңсыз фармацевтикалық қызметті жүзеге асырған. 9 шілде күні бұл азамат ӘҚБтК-нің 424-бабының 1-бөлігі бойынша (заңсыз фармацевтикалық қызмет) әкімшілік жауапкершілікке тартылды.
Батыс Қазақстан облысының прокуратурасы мәллім еткендей, денсаулық сақтау министрінің 15.07.2019 жылғы № ҚР ДСМ-104 бұйрығымен дәрілік заттарға шекті белгіленген бағаларды көтеру бұзушылық болып табылады және заң бойынша қудаланады. «Халық денсаулығы және денсаулық сақтау жүйесі туралы» Қазақстан Республикасы Кодексінің 69-бабына сәйкес дәрілік заттарды көтерме және бөлшек саудада өткізу «Рұқсаттар және хабарламалар туралы» заңда белгіленген тәртіппен жүзеге асырылады.
Айта кетейік, дәрілік заттардың бағасын көтеру фактілері туралы 8 (7112) 51-06-96 телефон нөмірі бойынша хабарласуға болады.
zhaikuni.kz
Версия для печати
Соңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Пікір үстеу