КіруБҚО-ҒА РЕСЕЙЛІК МЕДИЦИНА МАМАНДАРЫ КЕЛДІ
Қазақстан мен Ресей басшылығы арасындағы қол жеткізілген келісімдерді жүзеге асыру аясында Мәскеуден Нұр-Сұлтан қаласына ағымдағы жылдың 6 шілдесінде РФ Денсаулық сақтау министрінің орынбасары Олег Гридневтің басшылығымен 32 жетекші маман келді. Олардың қатарында инфекционистер, реаниматологтар, анестезиолог-реаниматологтар, эпидемиологтар, пульмонологтар бар. Бұдан әрі РФ мамандары Қазақстан өңірлеріне жұмыс істеуге жіберілді. Бүгін біздің облысқа эпидемиолог дәрігер Павел Гусевтің басшылығымен 5 ресейлік дәрігерлерден құралған делегация келді. Бұл туралы БҚО әкімдігінің баспасөз қызметі мәлім етті.
Олар COVID-19 инфекциясымен күрес жолында, өз тәжірибелерімен бөлісумен қатар практикалық жұмыстарымен де айналысатын болады. Құрамында инфекционист дәрігер Шавкатджон Очилов, анестезиолог-реаниматолог дәрігерлер Аделина Маткаш және Сергей Драчук, сондай-ақ инфекционист дәрігер Риат Канцеров бар.
Делегация Орал қаласының инфекциялық және провизорлық стационарларына бекітілді.
Осылайша, облыстық көпбейінді аурухананың провизорлық стационарында топ жетекшісі дәрігер эпидемиолог Павел Гусев және дәрігер анестезиолог-реаниматолог Сергей Драчук жұмыс жасайтын болады.
Қалалық көпбейінді аурухананың жұқпалы аурулар стационарында дәрігер инфекционист Шавкатджон Очилов және дәрігер анестезиолог-реаниматолог Аделина Маткаш еңбек етеді.
Облыстық жұқпалы аурулар ауруханасы мамандарына инфекционист дәрігер Риат Канцер көмектеседі.
Дәрігерлер арнайы бөлінген қонақ үйіне орналастырылды.
Ресейлік мамандар Орал қаласында 2 тамызға дейін болады.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу