КіруГУМАНИТАРЛЫҚ КӨМЕКПЕН КЕЛГЕН БҰЙЫМДАРҒА МӨР БАСЫЛДЫ
Тұрғындарды дәрі-дәрмектермен қамтамасыз ету және бағалардың тұрақтылығын сақтау мақсатында арнайы мониторингтік тобымен мониторинг жұмыстары жалғасуда.
Бүгін БҚО Сыбайлас жемқорлыққа қарсы қызметі, «Ақжайық – Адалдық Алаңы» жобалық кеңсесі, облыстық арнайы мониторингтік тобы мүшелері, қоғам өкілдерінің және фармацевтикалық бақылау қызметі өкілдерінің қатысуымен Орал қаласының дәріханаларына (Мөңкеұлы 83/3, Мөңкеұлы 79, Б.Майлин 45 А, Құрманғазы 202 мекенжайлары бойынша) мониторинг жүргізілді. Аталған мониторингтер аудандарда жүргізілуде. Мониторинг барысында дәріханаларда бұзушылықтар мен кемшіліктер анықталған жоқ.
Сонымен қатар, Батыс Қазақстан облысына Катардан және Дүниежүзілік денсаулық сақтау ұйымынан гуманитарлық көмек келіп жетті. Келген гуманитарлық көмекке алып-сатарлықты болдырмау мақсатында мониторинг жүргізілді.
Мониторингке БҚО Сыбайлас жемқорлыққа қарсы қызмет басшысының бірінші орынбасары Н.И.Самет, «Ақжайық – Адалдық Алаңы» жобалық кеңсесінің басшысы Ә.Ө.Салиева және «Халықтық бақылаудың» мүшесі А.С.Туркина және еріктілер қатысты.
Гуманитарлық көмек ішінде дәрі-дәрмектер, жеке қорғаныс құралдары бар. Алдын-ала алыпсатарлық фактілерін болдырмау үшін арнайы мөр жасалып, онда «ТЕГІН БҚО Гуманитарлық көмек» («БЕСПЛАТНО ЗКО гуманитарная помощь») деп жазылды. Әрбір дәрі-дәрмек пен қорғаныс заттары сол мөртаңбамен таңбаланатын болады.
Алдағы уақытта аталған бағыттағы мониторингтер өз жалғасын табатын болады.
Егер азаматтар дәрі-дәрмектер бағасының негізсіз көтерілу фактілеріне тап болған жағдайда, БҚО Тауарлар мен көрсетілетін қызметтердің сапасы мен қауіпсіздігін бақылау департаментіне, «Ақжайық – Адалдық Алаңы» жобалық кеңсесінің 8 747 492 91 79 WhatsApp нөміріне және республикалық «Адалдық Алаңы» кеңсесінің 8 702 000 24 94 нөміріне хабарласа алатындықтарын естеріңізге саламыз.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу