КіруБҮГІН – БАҚ ҚЫЗМЕТКЕРЛЕРІ КҮНІ
БҚО-да Бұқаралық ақпарат құралдары аз емес. Соның ішінде 30 жылдық тарихы бар «Жайық үнінің» де орны ерекше.
Кәсіби мереке қарсаңында БАҚ өкілдерімен бірге Шүйіншәлиева Мира Хамзақызы бастаған ұжымымызды құттықтап, ықылас-ілтипатын көрсеткен облыс әкімі Ғали Есқалиевке, шаһар басшысы Абат Шыныбековке ризашылығымыз шексіз.
Мереке қарсаңында өңірдегі БАҚ өкілдерін арнайы құттықтаған қала басшысы Абат Абайұлы бас редакторымыздан бастап газетіміздің дизайнері Арайлым Тлепбергеноваға, тілшілері Каусар Байғалиеваға, Эльмира Нұғмановаға Алғыс хатын табыс етті.
Төл мерекемізде құттықтау-лебіздерін жолдап жатқан өңірдегі басқармалар мен мекеме-ұйымдардың басшыларына да рахметімізді айтамыз.
Біз кездескен қиындықтарға төтеп беріп, оқырмандарды ақпаратпен сусындатып, газет шығаруға дайынбыз! Сіздердің үміттеріңізді «Жайық үнінің» ұжымы ақтай береді.
БАҚ-тағы әріптестерге шалқар шабыт, тың ізденіс пен құнды оймен өсе беруді тілейміз.
Еліміз аман, жұртымыз тыныш, әр күніміз берекелі болсын!
Құрметпен: «Жайық үні» газетінің редакция ұжымы.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу