КіруБҚО-ДА 14 ТҮЛЕК ҰБТ СЫНАҒЫНА ТЫЙЫМ САЛЫНҒАН ЗАТТАРДЫ АЛЫП ӨТУГЕ ТЫРЫСҚАН
БҚО-да биыл ұлттық бірыңғай тестілеу тоғыз пунктте өтуде. Ағымдағы жылы Ұлттық бірыңғай тестілеуге қатысуы үшін 5062 талапкер өтініш берген. Олардың 4367-сі биылғы мектеп бітірушілер, 662-сі – өткен жылдардың мектеп бітірушілері мен колледж түлектері. Бұл туралы бүгін өңірлік коммуникациялар қызметі ұйымдастырған брифингте БҚО білім басқармасы басшысының міндетін атқарушы Зәуре Ғұмарова мәлімдеді.
Биыл пандемияға байланысты ҰБТ өткізу уақыты ұзартылды. Өңірде 12 күн бойы – 22 маусым мен 3 шілде аралығында ҰБТ тестілеу ұйымдастырылуда.
Алғашқы төрт күнде 2041-і ҰБТ-ға қатысты. 22 түлек өз еріктерімен қатысудан бас тартқан.
– биылғы жылы ҰБТ-дағы бақылау күшейтілді. ҰБТ-ға қатысушыларды тәуелсіз сарапшылар қадағалайды. Олардың құрамына Арнайы мониторингтік топтардың мүшелері, қоғам қайраткерлері, Үкіметтік емес ұйым, сыбайлас жемқорлыққа қарсы қызмет және «Адалдык алаңы» жобалық кеңсе өкілдері кірді. Әр аудитория бейнебақылау камераларымен жабдықталған. Қатысушылар металл іздегіштен өтпес бұрын ережелерді ұстану туралы міндеттемелермен танысып, тыйым салынған заттардың жоқтығы туралы құжатқа қол қояды. Тыйым салынған заттарды қолдануға жасалған кез келген әрекет тест нәтижелерін жарамсыз етеді, қатысушы аудиториядан шығарылады және осы жылы ҰБТ-ны қайта тапсыра алмайды. Ағымдағы жылдың 25 тамызына дейін әр аудиториядан алынған бейнежазбаны мамандар зерделейді. Егер бейнематериалдарды талдау кезінде ережелерді бұзу анықталса, талапкердің тест нәтижелерінің жойылуына әкеледі. Егер сол кезде қатысушыға грант тағайындалған болса, онда ол гранттан айырылады. Шпаргалка дайындаудың қажеті жоқ, тыйым салынған заттарды әкелмегені жөн, – деді БҚО білім басқармасы басшысының міндетін атқарушы Зәуре Ғұмарова.
Алайда бұл ережелер барлық ата-аналар мен тест тапсырушыларына ескертілгенімен бұзушылықтар кездесуде. Мәселен, осы үш күн ішінде 14 талапкер тыйым салынған заттарды алып өтуге тырысқаны үшін тестілеуге жіберілмеген. Он түлек тест тапсыру барысында ҰБТ ережелерін бұзғаны үшін тест тапсыру мүмкіндігінен айырылып, жұмыстары жойылып отыр. Енді олар ағымдағы жылы қаңтардағы ҰБТ-ға қатысқандығы туралы сертификаты болған жағдайда ғана ақылы түрде елдегі ЖОО түсуге конкурсқа қатыса алады.
Версия для печати
Соңғы жаңалықтар
Миссия СНГ заявила об открытом и спокойном проведении референдума в Казахстане
Представитель Мьянмы: Опыт референдума в Казахстане может быть полезен другим странам
Қырғызстаннан келген бақылаушы азаматтардың референдумға белсенді қатысқанын атап өтті
«Халық үні» растайды: Учаскелердегі дауыс беру барысы Орталық комиссияның деректеріне сай келеді
Наблюдение за референдумом: фонд «Ел Дауысы» озвучил предварительные выводы
«Нарушений нет»: представитель ЦИК России о референдуме в Казахстане
Международный наблюдатель Ахмет Йенер: референдум в Казахстане прошел открыто и с высокой явкой
Референдум Қазақстандағы демократиялық процестердің одан әрі дамуына жасалған маңызды қадам – ШЫҰ байқаушылары
Ақ жаулықты әжелер мен абзал ағалар – азаматтық белсенділік үлгісі
Оралда «Мерейлі отбасы» байқауының жеңімпаздары өз таңдауларын жасады
Оралда Наурыз мерекесіне орай «Ақжайық» әжелер ансамблі өнер көрсетті
Продовольственные ярмарки проходят возле участков для голосования в ЗКО
В Уральске свой гражданский долг исполнил ветеран Великой Отечественной войны Вениамин Скаленко
Қаратөбе ауданындағы референдум учаскелерінде дауыс берушілер арасында садақ атудан сайыс өткізілді
Батыс Қазақстан облысында республикалық референдум күні сайлау учаскелерінде мерекелік көңіл-күй қалыптасуда.
БҚО әкімі Нариман Төреғалиев ҚР Жаңа Конституциясын қабылдау жөніндегі республикалық референдумда дауыс берді
Пікір үстеу