КіруБАТЫС ҚАЗАҚСТАНДА ҰЛТТЫҚ БІРЫҢҒАЙ ТЕСТІЛЕУ БАСТАЛДЫ
Батыс Қазақстан облысы бойынша бүгін, 22 маусым күні екі пунктте ұлттық бірыңғай тестілеу өтті.
БҚО білім басқармасынң баспасөз хатшысы Үміт Жәңгірованың мәліметінше, Жаңақала ауданы Жаңақала ауылы, Жаңақала орта мектебіндегі тестілеу пунктінде 92, Жәнібек ауданы Жәнібек ауылы, Т.Жароков атындағы орта мектебіндегі пунктте 101 оқушы тест тапсырды.
– ҰБТ тестілеу пункттерінде санитарлық-эпидемиологиялық талаптар орындалды: тосқауыл үшін қажетті жылжымалы ленталармен, металліздегіш құралмен тексеру, дезинфекциялау тоннелімен, санитайзерлермен, аяқ киімге арналған дезинфекциялау кілемшелермен, тепловизормен, маска мен қолғап.
Аудандық білім беру бөлімдерінің Жергілікті полиция бөлімдерімен бірлескен қоғамдық тәртіпті сақтау бағытындағы кезекшілік, тестілеуді өткізу орындарында медициналық қызметкерлердің және жедел жәрдем кезекшіліктері ұйымдастырылды. Санитарлық-эпидемиологиялық талаптарды сақтай отырып, ҰБТ пункттеріне жеткізу үшін 142 оқушыға тасымал ұйымдастырылды. ҰБТ тапсыруға ниет білдірген түлектер саны – 198. Бір түлек ҰБТ тест тапсырудан өз еркімен бас тартты, – деді Үміт Жәңгірова.
Алғашқы күннің қорытындысы бойынша тыйым салынған заттарды алып өтуге тырысқаны үшін және ҰБТ ережелерін бұзғаны үшін 4 талапкер тест тапсыру мүмкіндігінен айырылған.
Биыл ҰБТ-дағы бақылау күшейтілді. Әр аудитория бейнебақылау камераларымен жабдықталған. Қатысушылар металл іздегіштен өтпес бұрын ережелерді ұстану туралы міндеттемелермен танысып, тыйым салынған заттардың жоқтығы туралы құжатқа қол қояды. Аудиториядағы адамдардың саны азайтылды. Бұның бәрі тәртіп бұзушылықтарды анықтау процесін жеңілдетеді.
Сондай-ақ білім басқармасының өкілі ҰБТ-ға телефонды алып кіруге талпыныс жасаудың өзі емтиханға кіргізбеуге толық негіз болатынын жеткізді. Тыйым салынған заттарды қолдануға жасалған кез келген әрекет тест нәтижелерін жарамсыз етеді, қатысушы аудиториядан шығарылады және осы жылы ҰБТ-ны қайта тапсыра алмайды.
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу