КіруОРАЛ ҚАЛАСЫНЫҢ ГЕОАҚПАРАТТЫҚ ПОРТАЛЫ ДАЙЫНДАЛДЫ
Орал қаласы әкімінің бастамасымен дайындалған «Орал даму жолында» геоақпараттық порталы 12 маусым күні «Нұр Отан» партиясы депутаттық фракциясы отырысында таныстырылды.
uralsk.smartmap.kz сайтына ену арқылы порталдан құрылыс, тұрғын үйлердің жаңғыртылуы және басқа да қаланың дамуына қатысты ақпараттармен танысуға мүмкіндік бар. Яғни, порталда әр бағыт бойынша кейінгі үш жылдағы ақпараттар мен алдағы үш жыл бойынша даму жоспары бар. Мәселен, үй кезегінде тұрған азаматтар геоақпараттық порталдағы құрылыс бөліміне өту арқылы, биыл және алдағы үш жылда қанша үй, оның ішінде қанша пәтер берілетінін және жаңа тұрғын үйлер қай ауданда салынып жатқанын, ол үйдің құрылысын жүрізіп жатқан мердігер туралы ақпаратты, құрылыстың тапсырылу уақытын және үйдің сызбасын көре алады.
Сондай-ақ бұл жүйде абаттандыру саласындағы жұмыстар, жол және жолдардың жөнделуі, әлеуеттік нысандар, инженерлік желілер, нвестициялық нысандардың жаңартылуы, жөнделі туралы ақпарат толықтай көрініс тапқан. Әр бөлімді басу арқылы жасалған немесе жасалатын жұмыстармен толық танысып, эскиздік үлгісін де көруге болады.
Геоақпараттық порталда қалалық мәслихат депуттарының сайлау округтері туралы мәлімет те бар. Сондай-ақ тұрғындарға сауалдары немесе өтініштерін қалдыруы үшін кері байланыс жасау тетігі ескерілген.
Портал жүйелі түрде жаңғыртылып, толықтырылатын болады.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу