КіруСАЯБАҚТА САНИТАРЛЫҚ ТАЛАПТАР САҚТАЛМАҒАН
4 маусымнан бастап Орал қаласындағы қалалық мәдениет және демалыс саябағы уақытша жабылмақ. Себебін қала әкімдігі түсіндірді.
Қала әкімдігі баспасөз қызметінің мәліметінше, 31 мамырда Орал қаласының әкімі Абат Шыныбеков және Орал қалалық мемлекеттік бас санитарлық дәрігері Мәдениет Танауов Мәдениет және демалыс саябағы арендаторларымен кездесу өткізген. Кездесуде карантин жағдайында санитарлық талаптарын қатаң сақтау қажеттігі туралы түсіндіру жұмыстары жүргізілді және егер санитарлық талаптар орындалмаған жағдайда тұрғындардың қауіпсіздігін сақтау мақсатында саябақты уақытша жауып тастауы мүмкін екені ескертілген.
Алайда, мониторинг тобының бүгінгі рейдінің нәтижесі бойынша саябақта жұмыс істейтін арендаторлардың тиісті санитарлық талаптарды сақтамағаны, медициналық бетперде тақпағаны және кәсіпкерлік нысанда дезинфекциялық жұмыстарды жүргізбегені анықталып отыр. Бұған айғақ ретінде фото-видео тіркелген. Саябақта жұмыс істейтін арендаторлар медициналық бетперде тағып, өздерінің нысанында дезинфекциялау жұмыстарын жүргізуге міндетті болса, саябаққа келушілерге маска кию ұсыныс ретінде берілді. Сонымен қатар, қала тұрғындарының көпшілігі саябаққа келетінін ескерсек, карантин жағдайында аталған санитарлық талаптардың екі тараптан сақталмағаны анықталды. Жоғарыдағы себептердің негізінде, тұрғындардың денсаулығын сақтау мақсатында мәдениет және демалыс саябағын уақытша жабу туралы шешім қабылданған.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу