КіруМЕДИЦИНАЛЫҚ ҚЫЗМЕТКЕРЛЕРГЕ 560 МЛН. ТЕҢГЕ МӨЛШЕРІНДЕ ЫНТАЛАНДЫРУ ДҰРЫС ЕСЕПТЕЛМЕГЕН
Бұл туралы ӘМСҚ жанындағы Қоғамдық кеңестің кезектен тыс отырысында Қордың Басқарма төрағасының орынбасары Марат Шоранов хабарлады.
Сәуір айында эпидемияға қарсы іс-шараларға қатысатын және үстемеақы алатын медицина қызметкерлерінің саны наурызбен салыстырғанда 17,7-ден 42,6 мың адамға дейін 2,5 есе артты.
Есептелген үстемеақылардың сомасы да 56%-ға артты. Медициналық қызметкерлерге сәуір айында 7,6 млрд теңге (наурызға – 3,3 млрд теңгеден астам) төленді. Өңірлер бөлінісінде ең көп медициналық қызметкерлер Алматы, Нұр-Сұлтан және Түркістан облысында эпидемияға қарсы іс-шараларға тартылды. Тиісінше, бұл өңірлерде ең көп үстемеақылар төленген: Алматы (1,5 млрд теңге), Нұр-Сұлтан (1,1 млрд теңге) және Түркістан облысы (0,8 млрд теңге).
Үстемеақылар сомаларының айтарлықтай өсуі өңірлерде сәуір айында КВИ бойынша эпидемиялық жағдайдың нашарлауына байланысты болды. Осыған байланысты эпидемияға қарсы іс-шараларға наурызбен салыстырғанда сәуірде медицина қызметкерлері көп тартылды.
Естеріңізге сала кетейік, Денсаулық сақтау министрлігінің бұйрығы бойынша эпидемияға қарсы іс-шараларға қатысатын медициналық қызметкерлер 3 тәуекел топқа бөлінген: жұмыс кестесіне сәйкес 212,5 мың теңгеден (5 ЕТЖ) 850 мың теңгеге дейін (20 ЕТЖ). Жалпы, бұл мақсатқа республикалық бюджеттен 35,7 млрд. теңгеден астам қаражат бөлінген.
Үстемеақы алушылардың тізімін жедел штабтар жанынан құрылған өңірлік комиссиялар қалыптастырады. Сәуірден бастап ӘМСҚ өкілдері сыйақылардың дұрыс есептелуін тексеретін комиссияларға қатыса бастады. Осы жұмыстың нәтижесінде, Қор медициналық қызметкерлерді көтермелеудің мөлшерінің дұрыс еместігін анықтады: наурызда – 88,5 млн. теңге, сәуірде – 473 млн. теңгеден астам.
«Бұл үстемеақы үшін қате берілген тізімдер. Кейбір облыстарда әкімшілік блок қызметкерлері, қосалқы персонал, оның ішінде кір жуушылар мен сантехниктер кірді. Ал, бұйрықта медициналық қызметкерлерді тізімге енгізу нақты көрсетілген», – деді Марат Шоранов.
Ол басқа қызметкерлерге, оның ішінде эпидемияға қарсы іс-шараларға қатысатын әкімшілік қызметкерлерге медициналық ұйымдардың негізгі қаражаты немесе жергілікті бюджет есебінен қосымша үстемеақы беруге болатынын түсіндірді. Кейбір аймақтарда мұндай оң тәжірибе қалыптасқан.
Эпидемиялық жағдайды ескере отырып, Қор мамыр айында үстемеақы төлеуге 8,6 млрд. теңге жұмсауды болжап, келесі айларда сомаларды төмендетуді жоспарлап отыр.
«Әлеуметтік медициналық сақтандыру қоры» КеАҚ БҚО бойынша филиалы
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу