КіруБҚО-ДА ЭПИДЕМИОЛОГИЯЛЫҚ АХУАЛ ТҰРАҚСЫЗ
Бұл туралы бүгін өңірлік коммуникациялар қызметі ұйымдастырған өңірдегі эпидемиологиялық ахуал туралы брифингте БҚО тауарлар мен көрсетілетін қызметтер сапасы мен қызметін қадағалау департаменті басшысының орынбасары Нұрлыбек Мұстаев мәлім етті.
Облыс бойынша бүгінгі күнге коронавирустық жұқпаның 414 жағдайы тіркелді. Оның ішінде 15 жасқа дейінгі балалар арасында 15 жағдай.
– 23 мамыр күні облыста – 16 жағдай тіркеліп, аурушаңдық 4,3 пайызды көрсетті, 24 мамыр күні 28 жағдай тіркеліп, аурушаңдық деңгейі 7,8 пайызға көтерілді. Бүгінгі күнге тіркелген 414 жағдайдың 252-сі сырттан әкелінген, яғни Атырау мен Ресейден келгендер. 162 жағдай қарым-қатынас негізінде жұқтырылған, – деді Нұрлыбек Ермекұлы.
Олардың 64-і медицина, бесеуі – полиция, екеуі – балабақша, екеуі – білім беру бөлімі қызметкерлері. Сондай-ақ оқу орталығында – екі, блокбекетте – бір және үй ошақтарында 85 жағдайда жұққан. Эпидемиологиялық тергеу барысында олармен қарым-қатынаста болғандар анықталып, оқшауланып, коронавирус жұқпасына сынама алынған.
Қазіргі уақытта инфекциялық, провизорлық, карантиндік стационарларда 342 адам бар, үй оқшаулауында – 1134 адам дәрігерлер бақылауында. 226 науқас ем алып шықты. Олар да күнделікті дәрігерлердің бақылауында.
Эльмира НҰҒМАНОВА
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу