КіруСОҢҒЫ ҚОҢЫРАУ САЛТАНАТЫНА МЕКТЕП БІТІРУШІЛЕР ҒАНА ҚАТЫСАДЫ
Бұған дейін хабарлағанымыздай, 11 сынып түлектеріне аттестаттарды тапсыру 3-4 маусымда өтеді.
БҚО білім басқармасы баспасөз қызметінің хабарлауынша, қорытынды аттестаттау емтихандарының биыл өткізілмейтіні ескеріліп, іс-шараны маусым айының басында өткізу туралы шешім қабылданған. Мереке аясында салтанатты түрде аттестаттар табысталады және мектеп түлектері үшін соңғы қоңырау соғылады.
– Іс-шара міндетті түрде мектеп аумағында, ашық алаңда, қонақтарсыз, тек бітірушілердің қатысуымен және санитарлық нормаларды сақтай отырып өтуі тиіс. Аттестат тапсыру рәсіміне мектеп формасында келу ұсынылады. Салтанатты бөлімнен кейін ағаш отырғызу акциясын өткізу жоспарланып отыр, – деді БҚО білім басқармасының баспасөз қызметкері Үміт Жәңгірова.
Айта кетейік, БҚО-дағы білім ұяларынан биыл 5039 түлек қанат қағады деп күтілуде.
сурет "Жайық үні" редакциясының архивінен алынды
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу