Кіру«ҚАБЫЛДАНҒАН ШАРАЛАР ТҰРҒЫНДАРДЫҢ ҚАУІПСІЗДІГІ ҮШІН АСА МАҢЫЗДЫ»
Орал қаласы әкімі Абат Шыныбеков әлеуметтік желдегі парақшасында жазба қалдырып, оралдықтарды облыс орталығында коронавирус індетінің өршуіне байланысты қабылданған шектеу шараларына түсіністік танытып, белгіленген тәртіпті сақтауға шақырды.
Қадірлі оралдықтар!
Қазіргі уақытта қаламызда коронавирус індетінің өршуіне байланысты облыстық жедел штаб тұрғындардың денсаулығы үшін маңызды шешімдер қабылдады.
Қабылданған шешімге сәйкес, 16-24 сәуір аралығында қызмет көрсетуші кәсіпорындар мен ұйымдардың, азық-түліктік емес тауарларды жеткізушілер, көптеген мекеменің қызметі, сонымен қатар барлық қоғамдық көлік қозғалысы да тоқтатылуда. 18 сәуірден бастап азық-түлік базарлары жабылады. Шаһардағы азық-түлік супермаркеттері мен аптекалар бекітілген кесте бойынша жұмысын жалғастырады. Қала тіршілігі үшін аса маңызды нысандар, атап айтқанда, денсаулық сақтау мекемелері, қалалық инфрақұрылым мен коммуналдық қызмет, ресми такси, жүк тасымалы қызметі, мемлекеттік бағдарлама аясында жұмыс істейтін құрылыс жобалары қызметі жалғаса береді.
Банктер жеке тұлғалар үшін әлеуметтік және зейнетақы төлемдері операцияларын бойынша қызметтерін көрсете береді.
Бұл шаралар – қолайсыздық туғызғанымен, ең алдымен қала тұрғындарының қауіпсіздігі үшін аса қажет. Бәріміздің ортақ міндетіміз – өзімізді және жақындарымызды қатаң тәртіп пен қарапайым сақтық қағидаларын ұстану арқылы қауіпті инфекцияның таралуына жол бермеу, олардың өмірі мен денсаулығын қорғау. Барлығымыз коронавирус инфекциясының алдын алу шараларын бірлесе іске асыру арқылы бетпе-бет келген қиындықтарды еңсереміз.
Қиындықтың бәрі өткінші. Тек осындай қиын кезде сабыр мен төзімді жанымызға жалау, көңілге медеу тұтып, әрбіріміз қастерлі байлық – денсаулық пен амандық үшін қабылданып жатқан шараларды қолдауымыз керек. Тәртіп пен қағидаларды сіз бен біз болып бірге сақтай отырсақ, тез арада жайма-шуақ қалыпты өмірге ораларымызға сендіргім келеді.
Версия для печати
Соңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу