КіруЖҮРЕК ЖЫЛУЫ. МЕШІТ ИМАМДАРЫ АЗЫҚ-ТҮЛІК ҚОРЫН ҮЛЕСТІРДІ
Еліміздегі төтенше жағдайға байланысты Бас мүфти Наурызбай қажы Тағанұлының үндеуіне орай Орал қаласындағы Тәжиден Батырұлы атындағы мешіттің бас имамы Руслан қажы Сұлтановтың бастамасымен сол мешіттің жамағаттары бірігіп, көпбалалы отбасыларға, жалғызбасты аналарға, жұмыссыз қалған жанұяларға көмек ретінде азық-түлік үлестірді.
Қайырымдылық шарасында мешіттің бас имам Руслан Тыныштықұлы сөз алып, дінбасымыз Наурызбай қажы Тағанұлының ыстық сәлемін айтып, келе жатқан қасиетті Рамазан айымен құттықтады.
Игі іске мұрындық болған имамдар мен мешіт жамағаты әр мекенжайға азық-түліктерді жеткізді. Айта кетсек, қайырымдылық пакетіне 5 келі ұн, 5 келі шекер, күріш, шай, күнбағыс майы, картоп, жұмыртқа, макарон өнімдері салынды. Жалпы 65 жанұяға көмек ұсынылды.
Ел басына күн туған қысылтаяң шақта еліміздегі құлшылық ордалары қайырымдылық шараларын барынша күшейтіп, мұқтаж жандарға мейлінше жақын болуға тырысып келеді. Бұған дейін де Ақжайық өңірінің дін қызметкерлері бірнеше мәрте демеуші жамағаттың қолдауымен қайырымдылық шараларын өткізген болатын. ҚМДБ жұмысының негізгі бағыттарының бірі – қайырымдылық шараларын ұйымдастыруға елімізде жарияланған төтенше жағдай режиміне орай бұрынғыдан да баса мән беріліп отыр.
Еліміз аман, жұртымыз тыныш болсын, бауырлар!
Тәжиден Батырұлы мешітінің баспасөз қызметі
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу