Кіру600-ДЕН АСА МЕКЕМЕ ЖҰМЫСТАРЫН ЖАЛҒАСТЫРУҒА ӨТІНІМ БІЛДІРДІ
БҚО-да карантиндік режим енгізілген екі күн ішінде өңір тұрғындарынан 5000-ға жуық сұраныс-өтінім түскен. Бұл туралы бүгін өңірлік коммуникациялар қызметінің ақпарат алаңында өткен брифингте Орал қаласы әкімі Абат Шыныбеков айтты.
Коронавирус инфекциясының таралуын алдын алу мақсатында 31 наурыз күні БҚО аумағында күшейтілген карантиндік режим енгізілген еді. Екі күн ішінде халық арасында түсінік жұмыстары жүргізілді және жұмыстарын жалғастыратын мекеме-ұйымдарға қызметкерлерін анықтамамен қамтамасыз ету, жұмысты жалғастыруға рұқсат алу үшін уақыт берілді.
– Екі күн ішінде Call-орталық пен іkomek-ке 5000-ға жуық сұраныс-өтінімдер түсті. Сұрақтардың көптігіне байланысты хабарласа алмай жатқан тұрғындар баршылық. Осы орайда жедел штабтың ауқымын кеңейту, яғни қосымша мамандарды жұмылдыру қарастырылуда. Бүгінгі күнге жедел штабқа қаладағы 632 мекемеден жұмыстарын жалғастыру жөніндегі өтінім түсті. Оның 427-сіне рұқсат беріліп, 205 өтінім кері қайтарылды, – деді Абат Шыныбеков.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу