КіруЭЛЕКТР БАҒАНЫНА ШЫҒЫП КЕТКЕН ҚЫЗ ЖАУАПҚА ТАРТЫЛАДЫ
Бұл туралы БҚО полиция департаментінің баспасөз қызметі хабарлады.
18 наурыз күні кешкі уақытта Орал қаласындағы Исатай батыр және С.Жақсығұлов көшелерінің қиылысында жоғары вольтты бағанаға шығып кеткен қызға қатысты ҚР Әкімшілік-құқықбұзушылық туралы Кодексінің 440-бабы 2-бөлімімен әкімшілік хаттама толтырылған. Өйткені оның ішімдік ішкен күйде болғаны белгілі болды. Алайда, медициналық тексеруден өтуден бас тартқан. Сондай-ақ, ҚР ӘҚБтК-нің 127-бабына сәйкес (Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау) заңды өкілдерін де жауапқа тарту және 434-бабы (Ұсақ бұзақылық) бойынша жуапкершілікке тарту мәселесі де қарастырылуда.
Еске сала кетейік, 2002 жылғы қыз бала электр бағанына шығып кетіп, төтеншеліктер мен полицейлерді әбігерге салған еді. Қыз баланың осындай әрекеті салдарынан осы аумақта электр тарату жұмысын уақытша тоқтатуға тура келді.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу