КіруКОРОНАВИРУСҚА ТЕКСЕРУ КЕЗІНДЕ ӘР АДАМҒА 2-3 ТЕСТ ЖАСАЛАДЫ
Орталық коммуникациялар қызметі алаңында өткен брифингте ҚР Денсаулық сақтау министрі Елжан Біртанов коронавирусты анықтайтын қосымша 60 мың тест алынатынын айтты. Бұл туралы ҚазАқпарат жазды.
«Қазіргі уақытта коронавирус 120 мемлекетке тарады. Қазақстан Қытаймен шекаралас жатыр. Соған қарамастан арнайы қабылданған шаралардың арқасында елімізде осы уақытқа дейін коронавирус анықталған жоқ»,- дейді ҚР Премьер-Министрінің орынбасары Ералы Тоғжанов.
Сондай-ақ, ҚР Денсаулық сақтау министрі Елжан Біртанов коронавирус адам қанынан бірінші күні анықталмайтынын жеткізді. «Бірнеше мемлекеттен келген азаматтар бақылауда. Коронавирус адам қанынан бірінші күні табылмайды, сол себепті біз оларды бақылауда, қажет болса 14 күн карантинде ұстаймыз. Біздің хаттама бойынша, адамнан бірінші және оныншы күні қан алынып, тексеріледі. Қазіргі кезде біздің барлық өңірде арнайы санитарлық-эпидемиологиялық зертханалар жұмыс жүргізуде. Ресей Федерациясы, ҚХР, ДСҰҰ жіберген және қазақстандық тест бар. Жалпы 15 мың тест болған, оның 5 мыңын пайдаландық. Қосымша 60 мың тест аламыз. Әрбір науқасты 2-3 тестпен тексереміз. Бұл тесттер нақты көрсеткіштерді көрсетіп, жақсы жұмыс істейді. Бұл жұмыстар әрі қарай да жалғасады», – дейді министр.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу