КіруҒҰМЫР-САХНАДАҒЫ ЖАРАСЫМДЫ ЖҰП
Қадыр Мырза Әлі атындағы мәдениет және өнер орталығы қолға алған «Жұлдызды отбасы» жобасының кезекті кездесуі Х. Бөкеева атындағы облыстық қазақ драма театрының мақтаулы өнерпаздары, актерлар Ербол және Елена Есендосовтардың өмірі мен өнер жолын дәріптеуге арналды.
Кеш басталар алдында жұлдызды жұп пен кеш қонақтары Қадыр ақынға тәу етіп, ескерткішіне гүл шоқтарын қойды. «Ғұмырсахна» атты айрықша атау берілген кеш «Жалт еткен сәуле» қойылымынан үзіндімен басталды.
Өмірде де, өнерде де жұп жарастырып, ел-жұртқа шынайы сезімдерімен, ақ адал ниеттерімен, ұлағатты ұрпақ тәрбиелеп, шаңырақ шаттығын еселеуімен үлгі болып жүрген Ербол мен Еленаға өздері еңбек ететін театрдағы әріптестері – ардагер Құжырғали Төлеуішов, ҚР Мемлекеттік сыйлығының иегері Сердеш Қажымұратов, актриса Б. Жақыпова ақ баталарын арнады. Сондай-ақ Х. Бөкеева атындағы облыстық қазақ драма театрының директоры Салтанат Абулғазиева ұжымындағы белді де беделді әріптестері жайлы мақтанышпен баяндап, ерекше ықыласын білдірді.
Бұл кеш өзге кештерден өзгеше өрбіді. Өйткені кеш кейіпкерлері жиылған көрерменмен әңгіме-дүкен құрып қана қоймай, бойларына жиған саф алтындай өнерлерін ортаға салды. Есендосовтар қосыла шырқаған ән көпшіліктің көңілін тербетсе, Ерболдың өзі қатысқан қойылымдардан келтірген үзінді сәттері мен монологтары, кәсіби биші Еленаның мың бұрала билеген биі көрермен тарапынан ерекше қошеметке ие болды. Тұла бойы талант тұнған жұлдызды жұптың балалары да мықты болуы – заңдылық. Олардың қыздары Тоғжан Мағзомованың ерекше толқыныспен оқыған монологы – соның айқын дәлелі.
Әсерлі де әдемі кеш әулеттің анасы – Күлән апамыздың алғысқа толы ақ батасымен түйінделді. Ел-жұртты жарасымымен, жақсылығынмен, табиғи таланттарымен таңғалдырған Есендосовтар әулеті елге әлі талай әсем кеш сыйларына сеніміміз мол.
Х. Бөкеева атындағы облыстық қазақ драма театрының ақпарат бөлімі
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу